ის რომ ტექნოლოგიური კომპანიები სულ უფრო ხშირად იყენებენ რობოტებს არახალია. თუმცა, სულ ცოტა ხნის წინ გამოქვეყნდა საინტერესო ტვიტი, რომელიც Amazon-ის რობოტი და ადამიანი თანამშრომლების რაოდენობას ასახავს. სტატისტიკა 2013 წლიდან 2022 წელს მოიცავს.

გრაფიკა აჩვენებს ადამიანებისა და რობოტების რაოდენობის მზარდ ტენდენციას დროთა განმავლობაში. რობოტების პროცენტული ზრდა შესამჩნევია, ეს განსაკუთრებით პანდემიის დროს, რადგან ადამიანები უფრო მეტ დროს ატარებდნენ სახლში და ონლაინ ვაჭრობას არჩევდნენ.

სტატისტიკა პროგნოზირებს, რომ მომავალში კომპანიის მიერ უფრო მეტი რობოტი იქნება დასაქმებული, ვიდრე ადამიანი.

მაგალითად, 2013 წლიდან მოყოლებული, დასაქმეული ადამიანების რაოდენობა 88 000-დან 1 608 000-მდე გაიზარდა. რაც შეეხება რობოტებს, მათი რაოდენობა ამავე პერიოდში 1000-დან 520 000-მდე გაიზარდა.

Amazon იყენებს რობოტებს ლოჯისტიკისა და მომსახურების ოპერაციებისთვის. საუბარია თვითმართვად რობოტებზე, როგორებიცაა Kiva რობოტები. რობოტები აგვარებენ პროდუქციის საწყობებში გადაადგილებას, შეფუთვას, შერჩევასა და გაგზავნას. კომპანია ასევე იყენებს რობოტებს დახარისხების ცენტრებში, რომლებიც ახარისხებენ პაკეტებს დანიშნულების მიხედვით მათ მიწოდებამდე. გარდა ამისა, Amazon იყენებს დრონებს მიწოდებისთვის.

ეს დრონები ასევე ავტონომიურია და კონტროლდება კომპიუტერული ალგორითმებით. Amazon დიდ ინვესტიციას ახორციელებს ავტომატიზაციაში. ეს ტენდენცია, სავარაუდოდ, გაგრძელდება მრავალ ინდუსტრიაში.

წაგვართმევენ რობოტები სამსახურს?

რობოტებმა უკვე მნიშვნელოვანი გავლენა მოახდინეს ინდუსტრიაზე, პირველ რიგში, წარმოებაზე. მათ შეუძლიათ მთელი საათის განმავლობაში იმუშაონ და შეასრულონ განმეორებითი დავალებები მაღალი სიზუსტით და სიჩქარით.

ეს ზრდის პროდუქტიულობასა და ეფექტურობას. ამით კომპანიები ხარჯების დაზოგვასაც ახერხებენ. გარდა ამისა, რობოტებს შეუძლიათ იმუშაონ ისეთ გარემოში, რომელიც შეიძლება საშიში ან რთული იყოს ადამიანისთვის. ასეთი შეიძლება იყოს ექსტრემალური ტემპერატურა ან რადიოაქტიური ადგილები.

მომავალში, რობოტები შეასრულებენ მნიშვნელოვან როლს სხვადასხვა ინდუსტრიაში. რობოტები გახდებიან უფრო თვითკმარი და შეძლებენ ამოცანების უფრო ფართო სპექტრის შესრულებას, როდესაც გაუმჯობესდება ისეთი ტექნოლოგიები, როგორიცაა ხელოვნური ინტელექტი და მანქანათმცოდნეობა.

ისინი ასევე გახდებიან უფრო მოქნილები და შეძლებენ იმუშაონ ისეთ ადგილებში, სადაც ახლა შეუძლებელია.

ტექნოლოგიების განვითარებასთან ერთად, მოსალოდნელია, რომ რობოტები მზარდ როლს შეასრულებენ წარმოების მიღმა ინდუსტრიებში, როგორიცაა ჯანდაცვა, ლოჯისტიკა, ტრანსპორტი და მომსახურების ინდუსტრიები.

მთლიანობაში, რობოტების გავლენა ინდუსტრიებზე იყო და იქნება მნიშვნელოვანი. მათ შეუძლიათ ადამიანები გახადონ უფრო პროდუქტიული და ეფექტური, შეამცირონ ხარჯები და გააუმჯობესონ სამუშაო პირობები.

თუმცა, ეს ასევე აჩენს შეკითხვებს სამუშაო ძალის გადამზადების აუცილებლობის შესახებ. და მაინც, შეიძლება ამ ყველაფერმა მასიური უმუშევრობა გამოიწვიოს? მაგალითად, ილონ მასკი ამბობს, რომ მომავალში რობოტი უფრო მეტი იქნება ვიდრე ადამიანი.

მიუხედავად იმისა, რომ Amazon-ის მსგავსმა კომპანიებმა მომავალში, შესაძლოა, გამოიყენონ მეტი რობოტი ამოცანების ავტომატიზაციისთვის, ნაკლებად სავარაუდოა, რომ რობოტები მთლიანად ჩაანაცვლებენ მშრომელებს.

Amazon ამჟამად იყენებს ადამიანისა და რობოტი მუშაკების კომბინაციას თავის საწყობებში. კომპანია ახორციელებს ინვესტიციას ავტომატიზაციის ტექნოლოგიაში ეფექტურობისა და პროდუქტიულობის გასაუმჯობესებლად, მაგრამ ის ასევე აფასებს ადამიანების უნარებსა და შესაძლებლობებს.

შესაბამისად, სავარაუდოა, რომ ამაზონი მომავალშიც გააგრძელებს ადამიანებისა და რობოტების კომბინირებულ გამოყენებას.

სხვა სიტყვებით რომ ვთქვათ, ჩვენ ადამიანები ვქმნით ამოცანას, ვპოულობთ მის გადაჭრის გზას და შემდეგ ვახდენთ მის ავტომატიზაციას. რუტინული დავალებებისგან განთავისუფლებულებს, შეგვიძლია გადავერთოთ სრულიად ახალი ამოცანის შესასრულებლად.

თუმცა, ზუსტად მაინც ვერაფერს ვიტყვით. ვნახოთ რა იქნება შემდეგი.

თუ სტატიაში განხილული თემა და ზოგადად: მეცნიერებისა და ტექნოლოგიების სფერო შენთვის საინტერესოა, შემოგვიერთდი ჯგუფში – შემდეგი ჯგუფი.