ამერიკული ვიდეო არხების — Minutephysics-ისა და MinuteEarth-ის ვიდეოები ქართულ ენაზეც უკვე ხელმისაწვდომია. აღნიშნული არხები ყველასათვის გასაგებ და პოპულარულ ენაზე ხსნის სხვადასხვა რთულ მეცნიერულ მოვლენებს, ფიზიკას, ქიმიას და დედამიწის კვლევის საკითხებს.

ორივე არხი შედის იუტუბის საგანმანათლებლო და სამეცნიერო არხების ტოპ ათეულებში, არხების ოფიციალური მხარდამჭერები არიან: Google, Bill Gates fondation, Brilliant.org და Amazon.

არხების დამფუძნებელთან ჰენრი რაიხთან და მის გუნდთან ოფიციალური მოლაპარაკებების შემდეგ, 2023 წელს, ქართულმა საგანმანათლებლო პლატფორმამ "ახალ ჰორიზონტებთან" გააფორმა ხელშეკრულება და დაიწყო ვიდეოების ქართულ ენაზე გადმოტანა და გავრცელება.

ქართულ ენაზე სამეცნიერო YouTube არხის არსებობა მნიშვნელოვანია როგორც მეცნიერების მოყვარულთათვის, ასევე საგანმანათლებლო და მეცნიერების პოპულარიზაციის პროექტების, სკოლის მასწავლებლებისა თუ მოსწავლეებისათვის. აღსანიშნავია, რომ მსგავსი თანამედროვე მეცნიერული არხების თარგმნა ასევე განაპირობებს ქართული ენის, როგორც სამეცნიერო ენის განვითარებასაც.

ამ ეტაპზე არხის გადმოქართულება ფინანსების არარსებობის გამო შეჩერებულია. ჯგუფი "ახალი ჰორიზონტები" მოხარული იქნება ნებისმიერი დაინტერესებით, სპონსორობით და განიხილავს თანამშრომლობის შეთავაზებებსაც.

საკონტაქტო ინფორმაცია: [email protected]