12 ფრაზა, რომელსაც ყველაზე ხშირად მოისმენ კახეთში
კახეთი მთელს საქართველოში ცნობილია უგემრიელესი შოთებით, ღვინით, მწვადით თუ ჩურჩხელით. არანაკლებ უნიკალურია კახური ფრაზები, თუმცა შესაძლოა, მათ შესახებ დანარჩენი კუთხის წარმომადგენლებმა არც კი იცოდნენ. თუკი კახეთში აპირებ სტუმრობას და ჯერ არ იცი, რას უნდა ელოდო, ამ ფრაზების მოსმენისას ნუ გაიქცევი. ჯიგრულად შეიფერე და გაიღიმე. იმ შემთხვევაში კი, თუ თავად კახელი ხარ, ეს ფრაზები აუცილებლად ბავშვობის მოგონებებში დაგაბრუნებს.
მაშ ასე, 12 ფრაზა, რომელსაც ყველაზე ხშირად გაიგონებ კახეთში:
1. მიაფსი მამაშენ!
კახეთში თუკი მამაშენის რომელიმე ძმაკაცი ანდა ბავშვობის ამხანაგი შეგხვდა, ტრადიციული სალმისა და მოკითხვის ნაცვლად დიდი შანსია "მიაფსი მამაშენ" გაიგონო, მით უმეტეს, თუ ჯერ კიდევ ბავშვად მიიჩნევი. აქ ეს ყველა მოფერებაზე უფრო თბილი და ჯიგრული მოფერებაა.
2. შე შობელძაღლო, შენა!
კახეთში რომ ლანძღვა ხელოვნების დონეზეა აყვანილი და იქ გატარებული რამდენიმე დღეც აუცილებლად აგიმაღლებს ამ კუთხით ცოდნას, ყველასათვის ცნობილი ამბავია, თუმცა ბევრმა შეიძლება არ იცოდეს, რომ ამ დროს ხშირად გულში გეფერებიან. "შე შობელძაღლო შენათი" მამის ძმაკაცები ხშირად მიმართავენ ბავშვებს, რაც დაახლოებით იგივეა, თბილისში რომ გითხრან, "შე მაიმუნო, შენა." ასე რომ, თუ კახეთში მოხვდები და ამ ფრაზით მოგმართავენ, ძალიანაც ნუ შეიცხადებ.
3. რას ამობ, იოოო?!
აქ აშკარად რაღაც სრულიად აბსურდული თქვი და ხომ კარგად ხარო, გკითხეს. "იო"-მ თუ დაგაბნია, ისეთი არაფერი, უბრალოდ მიმართვის ფორმაა, ისევე, როგორც "ჯო", "ბჯო" ანდა "ბჯოუ", თუკი ბიჭი ხარ. თუ ქალი ან გოგო ხარ, მაშინ "გო"-ს ანდა "ქა"-ს შეგიძლია, ელოდო.
4. რაი იკრიჭები ყველიი ვაჭარივით?!
აქ, შესაძლოა, რომელიმე მასწავლებელს გაკვეთილისთვის შეუფერებლად ბედნიერი ეჩვენე და შეგახსენა, რომ სკოლაში სიბრძნის მისაღებად დადიხარ და არა ყველიი ვაჭარივით საკრეჭელად.
5. ეეეე, ბიჯო!
"ეეე, ბიჯო!" უამრავ სიტუაციას შეიძლება მოერგოს, თუმცა უმეტესად პროტესტნარევ გაოცებას გამოხატავს. შესაძლოა, რაღაცაში აჩქარდი ან გაფიცხდი და ზედმეტად მძაფრად მიიღე. მოკლედ, მეორედაც დაფიქრებულიყავიო, გეუბნებიან.
6. ვიშ, ქაა!
"ვიშ, ქა"-ს კახეთში უმეტესად ბებიებისგან მოისმენ, როცა რაღაც აოცებთ ანდაც აშფოთებთ. მოკლედ, რაღაც აშკარად არ ეპიტნავათ და ამგვარად გამოხატეს თავიანთი გულისწყრომა.
7. არაკიარა, როგოარა!
აქ, სავარაუდოდ, ტყუილში გამოგიჭირეს, გენავ, და, თუ მართლა ასეა, გირჩევნია, დროულად აღიარო, თუ არ გინდა, კახური სიფიცხე და შესაბამისი ლექსიკა იწვნიო. გახსოვდეს, ამ მხარეში ყველაზე მეტად ტყუილსა და პირფერობას ვერ იტანენ.
8. დღეი უნდა ძაან გავძღეთ!
სიტყვა "გაძღომამ" არ დაგაბნიოს, კახეთში მას არა მარტო ჭამას, არამედ უფრო ხშირად დალევას უსადაგებენ. მის გაგონებაზე, ჩათვალე, კედელზე ჩამოკიდებული უზარმაზარი ყანწები იხსნება და ხელიდან ხელში გადადის გამთენიამდე.
9. ჩაცეცხლე, მიდი!
აქ რომელიმეს ცოლს ალბათ მოთმინებამ უმტყუნა და, როგორც ნამდვილ კახელებს სჩვევიათ, რასაც ფიქრობდა, ცეცხლად გექცეთო, "იმსააჩი" მოახსენა კიდეც დამსწრეთ.
10. შე ვირიშვილო, შენა!
"შე შობელძაღლოსგან" განსხვავებით "ვირიშვილო" შედარებით ნაკლებად გამოიყენება როგორც მოფერების ფორმა. ისევ შინაური თუ გეტყვის, მაგრამ ალბათ ოდნავ ნაწყენი და გაჯავრებული შინაური, რომელსაც მიაჩნია, რომ შეიძლება, ცოტა არასწორად მოიქეცი. დაე, ეს იყოს შენთვის სიგნალი, რომ ჭკუით უნდა იყო.
11. მამაილა ესა!
აქ ალბათ ცოტა რაღაც მიქარე და დედამ შენს ცოდვებთან ერთად, მამაშენის დანაშაულნიც გაიხსენა მსუბუქად. საშიში არაფერია, ამ ფრაზას შესაძლოა, მსუბუქი საყვედურით, მაგრამ მაინც იუმორით და მოფერებით ამბობენ ხოლმე.
12. აიდედამოუაააა!
ალბათ რაღაც შემაშფოთებელი და უცნაური მოხდა, რადგან კახეთში კაცებმა იშვიათად იციან შეცხადება. "აიდედამოუააა" რაღაცით "ვიშ, ქას" ჰგავს; ძირითადი განსხვავება ისაა, რომ მას კაცები ამბობენ ხოლმე და შესაძლოა, ხანდახან იუმორნარევ გაოცებასაც გამოხატავდეს, როცა რაღაც უჩვეულო ხდება.
ამავე თემაზე:
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები ბაკურიანში, თოვლის მასაში ერთი ადამიანია მოყოლილი — ადგილზე მუშაობენ მაშველები
კომენტარები