ბუნება ხშირად გვატყუებს — ზოგჯერ ყველაზე საყვარელი და უწყინარი გარეგნობის მქონე ცხოველები სინამდვილეში საშიშები ან აგრესიულები შეიძლება აღმოჩნდნენ. მათი ლამაზი თვალები, ფუმფულა ბეწვი ან მშვიდი ქცევა სულაც არ ნიშნავს, რომ მათთან მიახლოება უსაფრთხოა. ამ სტატიაში წარმოგიდგენთ 10 ცხოველს, რომლებიც გარეგნულად შეიძლება მეგობრულები ჩანდნენ, მაგრამ სინამდვილეში სჯობს მათგან შორს იყო.

1. ენოტი

ენოტები, მათი სასაცილო, ნიღბის მსგავსი სახეებითა და საყვარელი თათებით, შეიძლება მომხიბვლელები და მიმზიდველები ჩანდნენ, მაგრამ რეალურად ისინი ადამიანებისთვის საშიშები არიან — ენოტები ცოფის გამავრცელებელი ცხოველები არიან, თანაც, თუ თავი საფრთხეში იგრძნეს, თავიანთი ფაფუკი თათებით ჩვენთვის ჭრილობების მოყენებაც შეუძლიათ.

2. ლორი

ლორი, ეს დიდთვალა პრიმატი, გარეგნულად სრულიად უწყინარი ჩანს, თუმცა ერთ-ერთი იშვიათი შხამიანი ძუძუმწოვარია. მათ იდაყვთან ჯირკვალი აქვთ, რომელიც შხამს გამოყოფს, როცა ლორი თავს უსაფრთხოდ არ გრძნობს. ამ შხამს ადამიანისთვის სავალალო შედეგების მოტანა შეუძლია.

3. წითელი მელა

წითელი მელას მოფერება, მათი ნათელი თვალებისა და ფუმფულა კუდების გამო, არაერთ ჩვენგანს შეიძლება მოუნდეს, თანაც ადამიანებთან მოსვლა მათაც სჩვევიათ, თუმცა არ უნდა დაგვავიწყდეს, რომ მელა ველური ცხოველია და ნებისმიერ მომენტში შეიძლება თავს დაგვესხას.

4. პოლარული დათვი

კი, პოლარული დათვები ძალიან, ძალიან საყვარლები არიან და მეგობრულადაც გამოიყურებიან, მაგრამ ისინი მაინც დათვები არიან. მათ ადამიანების არ ეშინიათ, ამიტომ მათთან "გათამამება" მარტივია, თუმცა არ უნდა დაგვავიწყდეს, რომ თეთრი დათვები ძალიან ჭკვიანები არიან — მათ შეუძლიათ მსხვერპლის მიზიდვა, შემდეგ კი შეტევაზე გადასვლა.

5. დინგო

დინგოს, ავსტრალიურ ველურ ძაღლს, მატყუარას რეპუტაცია აქვს — ისინი ჯერ მეგობრულები არიან, შემდეგ კი, როცა შენს ნდობას მოიპოვებენ, თავს გესხმიან.

6. ზღვის ლომი

ზღვის ლომები თავიანთი ჭკვიანი გამომეტყველებითა და წინწკლებიანი ტყავით არიან ცნობილები. ამ ცხოველმა მეგობრული გარეგნობის გამო უწყინარი არსების სახელი დაიმკვიდრა, თუმცა ადამიანებთან მათი შეხვედრა ფატალურადაც დასრულებულა.

7. იხვნისკარტა

საყვარელი ნისკარტითა და მხიარული ქცევით იხვნისკარტები თავს მალე გვაყვარებენ და მათი ამ სიაში მოხვედრაც უჩვეულოდ ჩანს, თუმცა, მამრობითი სქესის იხვნისკარტებს უკანა თათებზე ეკლებივით მახვილები აქვთ, რომლებიც შხამიანია და ადამიანის მოწამვლა შეუძლია.

8. სპილო

სპილოები ძირითადად ზრდილი გიგანტები არიან, თუმცა თუ გააბრაზებ, შენს წინააღმდეგ თავიანთი უზარმაზარი სხეულისა და ძლიერი ხორთუმის გამოყენება შეუძლიათ. სპილოების მსხვერპლი ყოველწლიურად 500 ადამიანი ხდება.

9. გედი

გედი ცნობილია თავისი დახვეწილობითა და დელიკატურობით, თუმცა თუ გააღიზიანებ ან მის შვილებს მიუახლოვდები, ის შეტევაზე გადმოდის. გედები სისინებენ, ფრთებს გირტყამენ და ნისკარტსაც გითავაზებენ, თუ შეაწუხე. მართალია, ადამიანისთვის გედს სერიოზული ზიანის მიყენება არ შეუძლია, თუმცა, მოდი, არ გამოვცადოთ.

10. პანდა

ეს ფუმფულა, შავ-თეთრი დათვები ალბათ ყველას გვიყვარს. ძირითადად, პანდები მშვიდები არიან და დღის ძირითად ნაწილს ჭამაში ატარებენ, თუმცა, თუ თავი საფრთხეში იგრძნეს, პანდები ძალიან საშიშები ხდებიან. თავიანთი ფიზიკური სიძლიერის, ძლიერი ყბებისა და კბილების წყალობით მათ ნებისმიერი ადამიანის დაშავება შეუძლიათ.