საქართველოს სახელმწიფო ელექტროსისტემის ახალ გენერალურ დირექტორად ვანო ზარდიაშვილი დაინიშნა. ამის შესახებ ინფორმაცია საქართველოს სახელმწიფო ელექტროსისტემის ვებგვერდზეა ასახული.

ვანო ზარდიაშვილი სს "საქართველოს სახელმწიფო ელექტროსისტემის" გენერალურ დირექტორად 2025 წელს დაინიშნა.

2021 წლიდან 2025 წლამდე მუშაობდა სსე-ის დირექტორად იურიდიულ, გარემოს დაცვის, სოციალურ და ნებართვების საკითხებში.

ზარდიაშვილი იყო მე-9 მოწვევის პარლამენტის წევრი, ადამიანის უფლებათა დაცვისა და სამოქალაქო ინტეგრაციის კომიტეტის წევრი, იურიდიულ საკითხთა კომიტეტის წევრი, ამავე კომიტეტის თავმჯდომარის პირველი მოადგილე. ასევე იყო სახელმწიფო საკონსტიტუციო კომისიის წევრი.

2004-2006 წლებში ის იყო გენერალური პროკურორის მრჩეველი, 2004 წელს — საქართველოს სახელმწიფო უშიშროების მინისტრის და საქართველოს იუსტიციის მინისტრის თანაშემწე.