შინაგან საქმეთა სამინისტრომ მზია ამაღლობელის წინააღმდეგ კიდევ ერთი ახალი ადმინისტრაციული საქმე დაიწყო.

შსს ამაღლობელს 2025 წლის 11 იანვარს პოლიციის დეპარტამენტის წინ, დამხმარე ნაგებობაზე სტიკერის გაკვრას ედავება. უწყების მტკიცებით, ამაღლობელის ამ ქმედებამ "დააზიანა" შენობის იერსახე. საქმე ადმინისტრაციულ სამართალდარღვევათა კოდექსის 150-ე მუხლის პირველი ნაწილითაა სასამართლოში შესული.

ცნობისთვის, 11 იანვრის ღამეს, მზია ამაღლობელი პირველ ჯერზე გრიგოლ ბესელიამ ამ დამხმარე ნაგებობაზე სტიკერის გაკვრისთვის დააკავა. ბათუმელების ცნობით, ჟურნალისტის დაკავების კადრებში ჩანს, რომ დაკავების პარალელურად, პოლიციელებმა გაკრული სტიკერი უპრობლემოდ ააძვრეს. იურისტების განმარტებით, პოლიციას არ აქვს ასკ-ის 150-ე მუხლით ჩადენილის სამართალდარღვევის გამო დაკავების უფლება და ამაღლობელი პირველ ჯერზეც უკანონოდ დააკავეს.

ასევე იხილეთ:

"ისეთი ხმა იყო დარტყმის, დაიშალა საერთოდ აქცია" — რა თქვა გრიგოლ ბესელია მზია ამაღლობელის პროცესზე