საავტომობილო გზების დეპარტამენტის თავმჯდომარემ, გიორგი წერეთელმა თანამდებობა დატოვა. ინფორმაცია დეპარტამენტის პრესსამსახურში ადასტურებენ.

პრესსამსახურის ცნობით, ამჟამად თავმჯდომარის მოვალეობას ლევან კუპატაშვილი ასრულებს.
საქართველოს საავტომობილო გზების დეპარტამენტის თავმჯდომარედ გიორგი წერეთელი 2021 წელს დაინიშნა. 2018 წლის აპრილიდან კი იგი საავტომობილო გზების დეპარტამენტის თავმჯდომარის მოადგილედ მუშაობდა.

შეგახსენებთ, 2 აპრილს ქართული ოცნების პრემიერმინისტრმა ირაკლი კობახიძემ განაცხადა, რომ რეგიონული განვითარებისა და ინფრასტრუქტურის სამინისტრო ორად უნდა გაყოფილიყო. მან ჯერ რეგიონული განვითარების მინისტრობის კანდიდატად გრიგოლ ლილუაშვილი დაასახელა, საბოლოოდ კი ამ პოსტზე თბილისის ვიცე-მერი კახა გულედანი დაინიშნა.