ამის შესახებ ინფორმაციას თურქული მხარე ავრცელებს, რომელიც ანკარაში უკრაინისა და რუსეთის ომბუდსმენების შეხვედრას მასპინძლობდა.

რატომ არის მნიშვნელოვანი: დაჭრილი მშვიდობიანი მოსახლეობის, სამხედროების, მოხუცების, ბავშვებისა და ქალების გაცვლისთვის სტამბოლში, შესაძლოა, ჰუმანიტარული დერეფანი შეიქმნას.

  • თურქეთის ომბუდსმენის ცნობით, საუბარია 1000 ადამიანისგან შემდგარ სიაზე, რომელიც მხარეებმა განიხილეს.

დეტალები: სერეფ მალკოკის განცხადებით, შეხვედრაზე უკრაინის სახალხო დამცველმა რუსეთის ომბუდსმენს — 800, რუსულმა მხარემ კი უკრაინას 200 ადამიანისგან შემდგარი სია გადასცა.

  • "ეს არის დაჭრილების, ტყვეების სია. გარდა ამისა, არის ათასობით ბავშვი, არიან ქალები, არის სხვა პრობლემები. თუ შევძლებთ სტამბოლის პლატფორმის შექმნას, ამ საკითხის განხილვა უფრო მარტივი იქნება. ჩვენ ამ მექანიზმის ჩამოყალიბების პროცესში ვართ", — თქვა მან.
  • იმავდროულად, თურქეთის პრეზიდენტი რეჯეფ ტაიპ ერდოღანი ვლადიმერ პუტინს ესაუბრა და კვლავ შესთავაზა შუამავლობა უკრაინასა და რუსეთს შორის მოლაპარაკებებში.