ტესტი: დისნეის რომელი პრინცესა ხარ?

ალბათ ყველა ჩვენგანს ერთხელ მაინც უოცნებია დისნეის პრინცესობაზე — ვის არ გაახარებდა ჯადოსნური ეტლები, თოვლივით თეთრი რაშები თუ მფრინავი ხალიჩები, თვალისმომჭრელი წვეულებები, საოცრად ლამაზი კაბები და სამკაულები?! რა თქმა უნდა, რომ აღარაფერი ვთქვათ, მომხიბლავ პრინცებზე, რომლებიც ჩვენი გულისთვის ცხრა მთას გადაივლიდნენ და ნებისმიერი ციხესიმაგრიდან დაგვიხსნიდნენ. შესაძლოა, ახლა ამ ოცნებებზე გულიანად გვეცინება, თუმცა წლების წინ ბავშვობას გვიფერადებდნენ.

თუ ამ ოცნებებმა შენც ბავშვობა გაგახსენდა და დაგაინტერესა, რომელი დისნეის პრინცესა იქნებოდი, დროს ნუღარ დაკარგავ და საქმეს შეუდექი:

ყველა ზღაპარი ოცნებიდან იწყება და ჩვენც აქედან დავიწყოთ — რამდენად მეოცნებე ხარ?

როგორ ფიქრობ, მზრუნველი ადამიანი ხარ?

შენს თავს წიგნის ჭიას უწოდებდი?

ადამიანები უსამართლოდ ხშირად გექცევიან?

შენი მშობლების გამო შენც თუ აუთვალწუნებიხარ ვინმეს?

მკაცრი აღზრდის გამო თავი შეზღუდულად თუ გიგრძნია ბავშვობაში?

ადამიანებთან უფრო მეგობრობ თუ ცხოველებთან?

როგორ ფიქრობ, თავგადასავლების მოყვარული ხარ?

გარშემომყოფებისგან შენი ინტერესებით ძალიან განსხვავდები?

რომანტიკული სიყვარულის გამო სხვა ყველაფერს დათმობდი?

შენს გაკონტროლებას აბეზარი ადამიანები ხშირად ცდილობენ?

და ბოლოს, როგორ ფიქრობ, მეამბოხე ხარ?

ტესტი: დისნეის რომელი პრინცესა ხარ?

შენი შედეგია: კონკია

Tenor

კონკიას მსგავსად ალბათ შენც ხშირად გამოგიცდია უსამართლობა და ჩაგვრა, თუმცა უკეთესი მომავლის იმედსა და ოცნების უნარს არასოდეს კარგავდი. ძალიან მდიდარი წარმოსახვა გაქვს და კეთილი, მზრუნველი და სულიერად ლამაზი ადამიანი ხარ.

შენი შედეგია: ბელი

Tenor

ბელის მსგავსად, როგორც ჩანს, შენც ნამდვილი წიგნის ჭია ხარ და გარშემომყოფებისგან შენი ინტერესებით ძალიან განსხვავდები. შენი უნიკალურობის დამალვას სულაც არ ცდილობ და არც საყვარელი ადამიანისთვის თავგანწირვის გეშინია. სიმამაცე, სიკეთე და ინტელექტი ყველასაგან გამოგარჩევს.

შენი შედეგია: არიელი

Tenor

არიელის მსგავსად შენც ძალიან ცნობისმოყვარე და მეოცნებე ხარ. თუკი მიზანს დაისახავ, ვერავინ და ვერაფერი შეგაჩერებს. არანაირ რისკს და საფრთხეს არ უშინდები, განსაკუთრებით კი მაშინ, როცა საქმე სიყვარულს ეხება.

შენი შედეგია: მძინარე მზეთუნახავი

Tenor

ავრორას მსგავსად შესაძლოა, შენი მშობლების ქმედებების გამო შენც უსამართლოდ გერჩოდეს ვინმე, თუმცა შენ მხოლოდ შენს ცხოვრებასა და ბედნიერებაზე ხარ პასუხისმგებელი და ალბათ ავრორას მსგავსად ახერხებ კიდეც სიცოცხლით დატკბობასა და ბედნიერების პოვნას.

შენი შედეგია: მულანი

მულანის მსგავსად შენც საოცრად გაბედული, მამაცი და ღირსეული ადამიანი ხარ. საყვარელი ადამიანების გულისთვის არც ერთ დაბრკოლებას არ შეუშინდები. შესაძლოა, ტრადიციებს, რომლებსაც ქალებს ახვევენ თავს არ ეთანხმები და მულანივით შენც ცდილობ, საკუთარი გზა და სიმართლე იპოვო.

შენი შედეგია: ფიფქია

Tenor

ფიფქიას მსგავსად შენც საოცრად კეთილი და მზრუნველი ადამიანი ხარ. გინდა, ყველას რაღაცით დაეხმარო და გაახარო, თუნდაც ახლოს არ იცნობდე. შენი სულიერი სილამაზის გამო გარშემო ძალიან ბევრ ადამიანს უყვარხარ.

შენი შედეგია: ჟასმინი

Giphy

ჟასმინის მსგავსად შენც თავგადასავლების მოყვარული, მეამბოხე და მამაცი ადამიანი ხარ. ზოგიერთები შესაძლოა, შენს გაკონტროლებას ცდილობდნენ, მაგრამ არაფერი გამოსდით. საკუთარი თავისა და თავისუფლების ფასი მშვენივრად იცი.

შენი შედეგია: რაპუნცელი

Tenor

რაპუნცელის მსგავსად შესაძლოა, შენც მკაცრად გზრდიდნენ და ბავშვობაში თავს შეზღუდულად გრძნობდი, თუმცა ამან ცნობისმოყვარეობა და თავგადასავლების წყურვილი არათუ ჩაგიკლა, არამედ პირიქით გაგიმძაფრა. ჯადოსნურთმიანი რაპუნცელივით შენც საოცრად ცოცხალი, აქტიური, მამაცი და კეთილი ადამიანი ხარ.

ბოლო ამბები:

გირჩევთ