გადაწყვეტილება გუშინ, 10 ნოემბერს მე-9 მოწვევის საკრებულოს პლენარულ სხდომაზე მიიღეს.

რატომ არის მნიშვნელოვანი: კიევის საკრებულოს დეპუტატის, განათლების კომიტეტის ხელმძღვანელის, ვადიმ ვასილჩუკის განცხადებით, რუსეთთან ომის პირობებში, მათი ენის შესწავლა სწორი არ არის.

  • მან, ასევე, აღნიშნა, რომ ენა მნიშვნელოვანია, ეს კი ომის დროს ეროვნული უსაფრთხოების საკითხიცაა.

დეტალები: ვასილჩუკის თქმით, ოკუპანტი ქვეყნის ლიდერებმა არაერთხელ განაცხადეს, რომ "რუსეთი აღწევს იქამდე, სადამდეც რუსული ენაა გავრცელებული".

  • დეპუტატი დასძენს, რომ ეს გადაწყვეტილება აგრესორი სახელმწიფოს ჰიბრიდული გავლენებისგან კიევის საგანმანათლებლო სივრცის დაცვის საშუალება იქნება.
  • წინადადებას მხარი საკრებულოში 64-მა დეპუტატმა დაუჭირა.