ეროვნულმა ბანკმა 26 ოქტომბრის მონეტარული პოლიტიკის კომიტეტის სხდომაზე რეფინანსირების განაკვეთის უცვლელად 11%-ზე დატოვების გადაწყვეტილება მიიღო. იგივე მოხდა 3 აგვისტოსაც.

რატომ არის მნიშვნელოვანი: რეფინანსირების განაკვეთი ეროვნული ბანკის ხელთ არსებული ინსტრუმენტია, რომლის საშუალებითაც ის ფასების სტაბილურობას უზრუნველყოფს.

  • როდესაც რეფინანსირების განაკვეთი იზრდება, ამას მონეტარული პოლიტიკის გამკაცრებას უწოდებენ — ამ დროს მსესხებლებს აღნიშნულ განაკვეთზე მიბმული კრედიტები უძვირდებათ;
  • გაძვირებული სესხების პირობებში ადამიანები ამცირებენ ხარჯვას, რის გამოც მცირდება საერთო მოთხოვნა — ეს კი ფასების ზრდას უშლის ხელს.

დეტალები: საქართველოში კვლავ მაღალი ინფლაციია. სექტემბერში ფასების დონე წიურად 11,5%-ით გაიზარდა. სებ-ის მიერ დადგენილი ინფლაციის მიზნობრივი მაჩვენებელი 3%-ია.

  • მონეტარული პოლიტიკის განაკვეთის მაღალ ნიშნულზე, 11%-ზე დატოვება ეროვნული ბანკის მხრიდან სწორედ მაღალ ინფლაციაზე პასუხია.

გარდა ამისა, 185 000-მდე პირის სესხი რეფინანსირების განაკვეთზეა მიბმული. განაკვეთის ზრდის შემთხვევაში მათ სესხი უძვირდებათ.

  • შემცირების შემთხვევაში უიაფდებათ, ამ ეტაპისთვის კი უცვლელად შუნარჩუნდათ.

ასევე, ეროვნული ბანკის გადაწყვეტილებით 15 აგვისტოდან სამომხმარებლო სესხის აღების მაქსიმალური ვადა 4-დან 3 წლამდე შემცირდა.

  • გვენეტაძის თქმით, ცვლილება ძალაში ერთი წლის განმავლობაში იქნება;
  • ბანკში აცხადებენ, რომ მონეტარული პოლიტიკა გამკაცრებული დარჩება მანამ, სანამ ინფლაციურ მოლოდინებზე ზრდის მიმართულებით არსებული რისკები საკმარისად არ შერბილდება.

ფართო სურათში: ეროვნული ბანკში ამბობენ, რომ ბოლო პერიოდის გლობალურ გამოწვევად კვლავ მაღალი ინფლაცია და ინფლაციური რისკები რჩება, თუმცა 2023 წლის მეორე კვარტალიდან ინფლაციის კლებაა მოსალოდნელი.