ქართული ოცნების არჩეულმა პრეზიდენტმა, მიხეილ ყაველაშვილმა აღდგომის დღესასწაულთან დაკავშირებით, 33 მსჯავრდადებული შეიწყალა.

"შეწყალებულ პირებს სასჯელაღსრულების დაწესებულებების დატოვების შემდეგ, შესაძლებლობა ექნებათ, დაუბრუნდნენ ოჯახებს და კვლავ იქცნენ საზოგადოების სრულფასოვან წევრებად," — ნათქვამია ყაველაშვილის პრესსამსახურის განცხადებაში.

შეგახსენებთ, 19 იანვარს ოცნების პრეზიდენტმა ნათლისღების დღესასწაულთან დაკავშირებით 613 პატიმარი შეიწყალა. უცნობია რომელ მუხლებს და რა ტიპის დანაშაულებს შეეხო შეწყალება.