ეროვნული უსაფრთხოების საკითხებში აშშ-ის პრეზიდენტის მრჩეველმა ამის შესახებ თეთრ სახლში ჟურნალისტებთან ისაუბრა.

რატომ არის მნიშვნელოვანი: 30 სექტემბერს კრემლში გამართულ ცერემონიაზე, სადაც პუტინმა უკრაინის ოკუპირებული 4 რეგიონის ანექსია გამოაცხადა, ის კიდევ ერთხელ დაიმუქრა ბირთვული იარაღის გამოყენებით.

  • იგივე რიტორიკა გამოიყენა სამხედრო მობილიზაციის გამოცხადების შემდეგაც და თქვა, რომ თუ რუსეთს საფრთხე დაემუქრება "მათ ხელთ არსებულ ყველა იარაღს გამოიყენებენ".
  • უკრაინაში ომის დაწყების შემდეგ ეს პირველი შემთხვევა არ არის, როდესაც პუტინი ბირთვული იარაღით იმუქრება და სხვას აბრალებს შესაძლო ბირთვულ კატასტროფას მაშინ, როცა ატომურ ელექტროსადგურებს რუსული ძალები ბომბავენ.

დეტალები: ჯეიკ სალიმანი ამბობს, რომ მიუხედავად ამისა, თეთრი სახლი ამ ეტაპზე ბირთვული იარაღის გამოყენებასთან დაკავშირებით მინიშნებებს ვერ ხედავს.

  • მისივე თქმით, აშშ-ს სერიოზული რეაგირება ექნება, თუ რუსეთი "ამ ბნელ გზას" აირჩევს.