ახალი ამბები On.ge

ვლადიმერ პუტინი

21 Sep. 2022, 12:09

ბირთვული შანტაჟიც ამოქმედდა. საუბარია არა მხოლოდ დასავლეთის მიერ წახალისებულ ზაპოროჟიეს ატომური ელექტროსადგურის დაბომბვაზე, რაც ბირთვული კატასტროფის საფრთხეა, არამედ ნატოს წამყვანი სახელმწიფოების ზოგიერთი მაღალი რანგის წარმომადგენლის განცხადებებზეც, რუსეთის წინააღმდეგ მასობრივი განადგურების, ბირთვული იარაღის გამოყენების შესაძლებლობისა და დასაშვებობის შესახებ. 

მათ, ვინც საკუთარ თავს ნებას აძლევს რუსეთზე მსგავსი განცხადებების გააკეთოს, მინდა შეგახსენოთ, რომ ჩვენს ქვეყანას ასევე აქვს სხვადასხვა განადგურების საშუალებები და ზოგიერთ კომპონენტში უფრო თანამედროვე, ვიდრე ნატოს ქვეყნებს. და თუ ჩვენი ქვეყნის ტერიტორიულ მთლიანობას საფრთხე დაემუქრება, ჩვენ, რა თქმა უნდა, გამოვიყენებთ ჩვენს ხელთ არსებულ ყველა საშუალებას რუსეთის და ჩვენი ხალხის დასაცავად. ეს არ არის ბლეფი.

რუსეთის მოქალაქეები უნდა იყვნენ დარწმუნებული, რომ ჩვენი სამშობლოს ტერიტორიული მთლიანობა, ჩვენი დამოუკიდებლობა და თავისუფლება უზრუნველყოფილი იქნება, კიდევ ერთხელ ხაზს ვუსვამ — ჩვენს ხელთ არსებული ყველა საშუალებით. და ვინც ცდილობს ჩვენს შანტაჟს ბირთვული იარაღით, უნდა იცოდეს, რომ ქარი შესაძლოა მათი მიმართულებით შებრუნდეს.

ამის შესახებ რუსეთის პრეზიდენტმა ვიდეომიმართვაში ისაუბრა. უკრაინაში ომის დაწყების შემდეგ ეს პირველი შემთხვევა არ არის, როდესაც პუტინი ბირთვული იარაღით იმუქრება და სხვას აბრალებს შესაძლო ბირთვულ კატასტროფას მაშინ, როცა ატომურ ელექტროსადგურებს რუსული ძალები ბომბავენ. 

0 0

კომენტარები

კვირის ტოპ-5

  1. ჩინეთმა რუსეთიდან ელექტროენერგიის შესყიდვა სრულად შეწყვიტა
  2. 17 იანვარს თბილისში თოვლია მოსალოდნელი — როგორი ამინდი იქნება საქართველოში 18 იანვრამდე?
  3. კადიროვმა, თირკმლის უკმარისობის შესახებ გავრცელებული ცნობების შემდეგ, ვიდეო გამოაქვეყნა
  4. სუს-მა "გაზპრომთან" დაკავშირებული კონტრაქტის დეტალების გასაჯაროების ფაქტზე გამოძიება დაიწყო
  5. კადიროვის ვაჟი, ადამი, ავტოკატასტროფის შემდეგ კრიტიკულ მდგომარეობაშია — ვრცელდება ცნობები ხამზატ ჩიმაევის გარდაცვალების შესახებ

გირჩევთ

ახლა კითხულობენ

გადახედვა

Reuters: მიმდინარე საპროტესტო აქციების შედეგად სულ მცირე 5000 ადამიანი დაიღუპა

ირანის პრეზიდენტმა, მასუდ პეზეშკიანმა განაცხადა, რომ აშშ-ის ნებისმიერი სამხედრო დარტყმა თეირანის მხრიდან "მკაცრ…