ინფორმაციას ამის შესახებ ადგილობრივ მედიებზე დაყრდნობით Financial Time-ს ავრცელებს.

რატომ არის მნიშვნელოვანი: ირანში მასობრივი პროტესტი გრძელდება. გამოსვლები 22 წლის ქალის, მაჰსა ამინის დაღუპვას მოჰყვა.

  • ის ე.წ. მორალის პოლიციამ "ჰიჯაბის ტარების წესის დარღვევისთვის" 13 სექტემბერს დააპატიმრა.
  • თვითმხილველების თქმით, პოლიციის მანქანაში ჩასმის შემდეგ მაჰსას ფიზიკურად გაუსწორდნენ, მოგვიანებით კი ქალი გარდაიცვალა.

დეტალები: ეს რიცხვი, რომელიც მაუწყებლის ინფორმაციით "არაოფიციალურია", უფრო მაღალია, ვიდრე ხელისუფლების გავრცელებული.

  • მანამდე სახელმწიფო საინფორმაციო სააგენტოები მხოლოდ 16 ადამიანის დაღუპვაზე წერდნენ და მათ შორის უშიშროების ძალების ცხრა წევრს ასახელებდნენ.
  • საერთაშორისო მედიები კი 35 გარდაცვლილზე იუწყებოდნენ.
  • Amnesty International-ის ინფორმაციით, მხოლოდ ერთ დღეს რეჟიმის ძალებმა 19 ადამიანი მოკლეს.

ფოტო: AP

ფოტო: AP

აქციები ქვეყნის მასშტაბით 31 პროვინციაში და 133 ქალაქში იმართება. მათ წინააღმდეგ რეჟიმი საპოლიციო ძალებსა და სამხედროებს იყენებს.

  • დემონსტრანტები წვავენ ირანის უზენაესი ლიდერის, აიათოლა ალი ხამენეის ქანდაკებებსა და ფოტოებს და სკანდირებდნენ ლოზუნგებს მთავრობის წინააღმდეგ.
  • სოლიდარობის გამოსახატად ქალები იჭრიან თმას და წვავენ ჰიჯაბს.
  • პარალელურად, მთავრობა კონტრაქციებს მართავს, სადაც მათი მხარდამჭერები პროტესტის მონაწილეებს აკრიტიკებენ.

ფოტო: Twitter

ფოტო: AFP

პრეზიდენტმა განაცხადა, რომ "გადამწყვეტად იმოქმედებს" საპროტესტო გამოსვლების წინააღმდეგ.

  • მან აქციის მონაწილეები დაადანაშაულა არეულობის წაქეზებაში და პირობა დადო, რომ გაუმკლავდება "მათ, ვინც ეწინააღმდეგება ქვეყნის უსაფრთხოებასა და სიმშვიდეს".