ინფორმაციას ადგილობრივი მედია და სამხედრო ექსპერტი ავრცელებს. ოფიციალურად ჯერ არ დადასტურებულა.

რატომ არის მნიშვნელოვანი: The Insider უკრაინის შეიარაღებული ძალებსა და თავდაცვის სამინისტროში წყაროზე დაყრდნობით წერს, რომ რუსებმა მწვანე კორიდორის გაკეთება ითხოვეს.

  • იმის გათვალისწინებით, რომ უკრაინა სამხრეთის გათავისუფლებაზეა ორიენტირებული, ეს მნიშვნელოვანი საბრძოლო წარმატებაა.

დეტალები: გამოცემის ინფორმაციით, ალყაში არიან სამი რუსული ბატალიონის ტაქტიკური ჯგუფები, მათ შორის, სპეცდანიშნულების და სატანკო ასეულები.

  • სავარაუდო რაოდენობა 1 000-დან 2 000-მდე მერყეობს.
  • როგორც გამოცემა წერს, უკრაინის შეიარაღებული ძალების შეტევა განხორციელდა ერთდროულად ორი მიმართულებით: ოლგინო-კოსტირკა და პოტემკინო-ნოვოვოზნესენსკოე.
  • ამ დროისთვის, ხერსონის რეგიონის ჩრდილოეთით, აქტიური საომარი მოქმედებები მიმდინარეობს არხანგელსკოე-ზოლოტაია ბალკას ხაზის გასწვრივ.