საერთაშორისო მედიები ადგილობრივებზე დაყრდნობით აცხადებენ, რომ 67 წლის შინზო აბე სროლიდან რამდენიმე საათში გარდაიცვალა.

რატომ არის მნიშვნელოვანი: შინზო აბეს ნარაში სიტყვით გამოსვლისას ორჯერ ესროლეს.

  • ამის შემდეგ ყოფილი პრემიერმინისტრი საავადმყოფოში გადაიყვანეს, მისი მდგომარეობა კრიტიკული იყო.

დეტალები: იაპონიის ყოფილ პრემიერმინისტრის ადგილობრივი დროით 11:30 საათზე ესროლეს.

  • კაბინეტის მთავარი მდივანი, ჰიროკაზუ მაცუნო ამბობს, რომ რაც არ უნდა იყოს მიზეზი, ასეთ ბარბაროსულ ქმედებას არასდროს შეეგუებიან და მკაცრად გმობენ.
  • თავდასხმაში ბრალდებული დაკავებულია, მოტივი კი ჯერჯერობით უცნობია.

იაპონური მედია ადგილობრივ სახანძროზე დაყრდნობით აცხადებს, რომ ყოფილ პრემიერმინისტრს ზურგიდან ესროლეს.

  • მათივე ცნობით, აბეს სასიცოცხლო ნიშნები არ შეენიშნებოდა.

არქივიდან: აბე იაპონიის პრემიერმინისტრის პოსტს 2012-დან 2020 წლამდე იკავებდა და ქვეყნის ყველაზე გრძელვადიანი პრემიერმინისტრიც იყო.

  • ის თანამდებობაზე 2021 წლამდე უნდა დარჩენილიყო, თუმცა 2020 წლის აგვისტოში ჯანმრთელობის პრობლემების გამო გადადგა.