რუსეთის საგარეო საქმეთა მინისტრის, სერგეი ლავროვის სერბეთში ვიზიტი ვერ შედგა, რადგან სერბეთის სამმა მეზობელმა ქვეყანამ: ბულგარეთმა, ჩრდილოეთ მაკედონიამ და მონტენეგრომ ლავროვის თვითმფრინავს მათი საჰაერო სივრცით სარგებლობაზე უარი უთხრეს. ინფორმაციას ამის შესახებ BBC ავრცელებს.

მედია წერს, რომ ვიზიტის გაუქმება რუსეთის საგარეო საქმეთა სამინისტრომაც დაადასტურა. რუსეთის მიერ უკრაინაში შეჭრისა და სრულმასშტაბიანი ომის დაწყების შემდეგ, დასავლეთმა რუსეთს არაერთი სანქცია დაუწესა, მათ შორის, დაუკეტეს საჰაერო სივრცე.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.