რუსეთის მიერ დასანქცირებულ 963 ამერიკელს შორის გარდაცვლილი სენატორებიც მოხვდნენ. მათ ქვეყანაში შესვლა აეკრძალათ. დასანქცირების მიზეზად რუსეთი "რუსოფობიის წახალისებას" ასახელებს.

დასანქცირებულ სენატორებში შედიან 2018 წელს გარდაცვლილი ჯონ მაკკეინი, 2021 წელს გარდაცვლილი დემოკრატი სენატორი ჰარი რიდი და მიმდინარე წლის მაისში გარდაცვლილი ორინ გეტჩი.

სანქცირებულთა სიაში მოხვდა მსახიობი მორგან ფრიმენიც. რუსეთის საგარეო საქმეთა სამინისტრომ განაცხადა, რომ 2017 წლის სექტემბერში ფრიმენმა ჩაწერა ვიდეო, რომელშიც მათი თქმით, რუსეთ აშშ-ის წინააღმდეგ შეთქმულებაში დაადანაშაულა და ქვეყნის წინააღმდეგ ბრძოლისკენ მოუწოდა.

რუსეთმა ქვეყანაში შესვლა პრეზიდენტ ჯო ბაიდენისა და ვიცე-პრეზიდენტ კამალა ჰარისის გარდა, პრეზიდენტ ბაიდენის შვილს, სახელმწიფო მდივან ენტონი ბლინკენს, თავდაცვის მდივან ლოიდ ოსტინს და CIA-ს დირექტორს უილიამ ბერნსაც აუკრძალა.