სურსათის ეროვნულმა სააგენტომ ქობულეთში რამდენიმე სასადლოსა და კაფეში კრიტიკული შეუსაბამობები გამოავლინა.

როგორც უწყება იტყობინება, აჭარის დეპარტამენტის ინსპექტორებმა ქობულეთის მუნიციპალიტეტში საზოგადოებრივი კვების ობიექტების არაგეგმური შემოწმებისას შედეგად კრიტიკული შეუსაბამობები გამოვლინდა ინდივიდუალური მეწარმეების ნ. მ-ის (ქობულეთი, რუსთაველის მეორე ჩიხი N13) და ა. ნ-ის (ქობულეთი, თავისუფლების ქუჩა #26) კუთვნილ სასადილოებსა და მ. გ-ის კაფე-ბარში (ქობულეთი, აღმაშენებლის 376 ბ). ასევე ეტიკეტირების წესის დარღვევა და ეკონომიკურ საქმიანობათა რეესტრში რეგისტრაციის არქონა დაფიქსირდა, რის გამოც ბიზნესოპერატორები დაჯარიმდნენ და საწარმოო პროცესი შეუჩერდათ.

სურსათის ეროვნული სააგენტო იმერეთსა და შიდა ქართლში გამოვლენილ შეუსაბამობებზეც წერს. კერძოდ, უწყების ცნობით, ქუთაისში შპს "კოზი 1994" (თამარ მეფის ქ. N 7), საფირმო სახელწოდებით "ბარაქა" განმეორებითი კრიტიკული შეუსაბამობების გამო 5000 ლარით დაჯარიმდა და კონკრეტული საწარმოო პროცესი შეუჩერდა. კასპში კი, ნახევარფაბრიკატების არალეგალური საწარმო გამოავლინეს. საუბარია შპს “ლეწეზე”, რომელიც სეს-ის ინფორმაციით, ნახევარფაბრიკატებს არალეგალურად, ეკონომიკურ საქმიანობათა რეესტრში რეგისტრაციის გარეშე აწარმოებდა. გარდა ამისა, ბიზნესოპერატორთან დაფიქსირდა ეტიკეტირების წესის დარღვევა და კრიტიკული შეუსაბამობები.

აღნიშნული სამართალდარღვევების გამო შპს “ლეწე” დაჯარიმდა და საწარმოო პროცესი შეუჩერდა.