თორნიკე რაზმაძე სახალხო დამცველს მიმართავს და მის წინააღმდეგ ირაკლი კობახიძისა და მარგარიტა სიმონიანის შეურაცხყოფისთვის აღძრულ საქმესთან დაკავშირებით პოზიციის დაფიქსირებას თხოვს.

"მივმართავ საქართველოს სახალხო დამცველს:

თქვენგან არ ვითხოვ არც დაცვას და არც თანადგომას, ერთი მარტივი მოთხოვნა მაქვს — დააფიქსირეთ პოზიცია ჩემ წინააღმდეგ აღძრულ საქმესთან დაკავშირებით. უბრალოდ თქვენი პოზიციის მოსმენა მინდა", — დაწერა თორნიკე რაზმაძემ.

შეგახსენებთ, შინაგან საქმეთა სამინისტროს სიძულვილის ენასთან ბრძოლის დეპარტამენტის მიერ შედგენილი ოქმის თანახმად, "რაზმაძემ სოციალურ ქსელში გამოაქვეყნა ვიდეო, რომლის ქვეშაც 2026 წლის 12 ივნისს შემდეგი შინაარსის კომენტარი დატოვა — "ამათი დედას შევე*ი "ნა კალენიახ".

"აღნიშნული პოსტი არის საჯარო და შეიცავს საქართველოს ადმინისტრაციულ სამართალდარღვევათა კოდექსის 166-ე მუხლის პირველი ნაწილით გათვალისწინებული სავარაუდო სამართალდარღვევის ნიშნებს," — აღნიშნულია დოკუმენტში.