უკრაინის ვიცე-პრეზიდენტის, ირინა ვერეშჩუკის განცხადებით, დღეს მარიუპოლიდან მშვიდობიანი მოსახლეობის ევაკუაციაა დაგეგმილი. მისი ქმით, უკრაინული მხარის პარალელურად ოკუპანტები მეორე საევაკუაციო დერეფნის მოწყობას აპირებენ, რომლითაც ხალხის რუსეთში გაყვანას სურთ.

"მივმართავ ჩვენს მოსახლეობას, რომლებიც დღეს ევაკუაციისთვის ემზადებიან. ახლახანს მივიღეთ ინფორმაცია, რომ ოკუპანტებმა შეიძლება სცადონ ჩვენს პარალელურად დააორგანიზონ საკუთარი დერეფანი რუსეთში გადასაყვანად. გთხოვთ, იყოთ ყურადღებით. არ წამოეგოთ ტყუილსა და პროვოკაციაზე", — წერს ის.

ვერეშჩუკმა ხაზი გაუსვა, რომ უკრაინული დერეფანი მუშაობს კონკრეტულად ზაპოროჟიეს მიმართულებით მანგუშიდან, ბერდიანსკიდან, ტოკმაკიდან და ორეხოვიდან. მისივე თქმით, ევაკუაცია 12 საათისთვის დაიწყება.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში