ლუგანსკის რეგიონის სამხედრო ადმინისტრაციის ხელმძღვანელი, სერგი გაიდაი მშვიდობიან მოსახლეობას ევაკუაციისკენ მოუწოდებს. მისი თქმით, მოსახლეობას ევაკუაციაში პოლიცია დაეხმარება და გადაიყვანს საევაკუაციო ავტობუსებამდე ან თავშესაფრამდე.

"მოგიწოდებთ დროული ევაკუაციისკენ! კრემინას მაცხოვრებლები დროულად ვერ გამოვიდნენ და ახლა მძევლები არიან. [...] როცა ხედავთ პოლიციის პატრულს, არ დააყოვნოთ, ეს არის გაქცევის შანსი, ევაკუაციის შესაძლებლობა დღითი დღე ნაკლებია", — ამბობს ის.

გუშინ, 18 აპრილს საოკუპაციო ძალებმა კრემინაზე კონტროლი დაამყარეს და ევაკუაცია ვერ ხერხდება. სერგი გაიდაის ცნობით, რუსებმა მშვიდობიანი მოქალაქეების მანქანას ესროლეს — დაიღუპა 4 ადამიანი, ერთ კი დაშავდა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში