საქართველოს შინაგან საქმეთა სამინისტრო საგარეჯოში, სავარაუდოდ დაკარგულ, 15 წლის ბიჭს ეძებს. პირის დაკარგვის შეტყობინება 112-ში გუშინ, 28 აპრილს შევიდა. ამის შესახებ On.ge-ს შსს-ს პრესსამსახურში განუცხადეს.

მოზარდის დაკარგვის შესახებ ინფორმაცია თავდაპირველად რუსთავი 2-მა გაავრცელა. არხი, დაკარგულის ოჯახის წევრებზე დაყრდნობით, იუწყება, რომ მოზარდი, მშობლების ნებართვის გარეშე, მეზობელ სოფელში მწყემსად მუშაობდა. ოჯახმა ტელეკომპანიას განუცხადა, რომ მოზარდის დაკარგვის შესახებ ფერმის წარმომადგენლებისგან შეიტყვეს.