დიდი ბრიტანეთის დაზვერვა აცხადებს, რომ მარიუპოლში უკრაინელების შეთანხმებულმა წინააღმდეგობამ შეანელა რუსეთის წინსვლა სხვა მიმართულებით. მათი თქმით, მარიუპოლის აღების მცდელობამ მის მოსახლეობას მნიშვნელოვანი ზიანი მიაყენა.

"რუსი მეთაურები შეშფოთებულნი იქნებიან იმ დროის გამო, რაც საჭიროა მარიუპოლის დამორჩილებისთვის. უკრაინელების შეთანხმებულმა წინააღმდეგობამ რუსულ ძალებს სასტიკი გამოცდა მოუწყო, მიმართულება შეუცვალა ჯარისკაცებსა და საბრძოლო მასალებს, შეანელა რუსეთის წინსვლა სხვაგან.

მარიუპოლის აღების მცდელობამ მის მოსახლეობას მნიშვნელოვანი დანახარჯი მოუტანა. განადგურებულია ინფრასტრუქტურის დიდი ნაწილი, ხოლო მოსახლეობას მნიშვნელოვანი მსხვერპლი აქვს", — ვკითხულობთ განცხადებაში.

დაზვერვა აღნიშნავს, რომ მარიუპოლში რუსეთის ქმედებები ემთხვევა მის მიდგომას 1999 წელს ჩეჩნეთში და 2016 წელს სირიაში და ეს მაშინ, როცა 24 თებერვალს რუსეთის თავდაცვის სამინისტრომ განაცხადა, რომ რუსეთი არც ქალაქებს დაარტყამდა და არც უკრაინის მოსახლეობას დაემუქრებოდა.