მარიუპოლის საკრებულოს განცხადებით, ქალაქში რუსმა ოკუპანტებმა საცხოვრებელი სახლების ეზოებში დასაფლავებული ადამიანების ექსჰუმაცია დაიწყეს. საკრებულო ინფორმაციას მარიუპოლში მყოფ მოსახლეობაზე დაყრდნობით ავრცელებს.

მათივე ცნობით, ოკუპანტებმა ეზოებში დააყენეს ზედამხედველები — ადამიანებს მოკლული ნათესავებისა და ახლობლების დამარხვის უფლებას არ აძლევენ. საკრებულოში განმარტავენ, რომ მათ არ აქვთ ინფორმაცია, თუ რატომ დაიწყეს ექსჰუმაცია და რას უპირებენ ცხედრებს.

მარიუპოლის საკრებულოს ცნობით, არსებობს საფუძვლიანი ეჭვი, რომ რუსები ამ გზის გამოყენებით მსხვერპლის დამალვას აპირებენ. მათივე თქმით, რუსეთმა მარიუპოლში 13 მობილური კრემატორიუმი შეიყვანეს, რითა, შესაძლოა ცხედრების დაწვა და კვალის დაფარვა სცადონ.

13 აპრილს უკრაინის დაზვერვამ თქვა, რომ რუსეთის ხელმძღვანელობამ გასცა ბრძანება უკრაინაში რუსული არმიის დანაშაულის ნებისმიერი მტკიცებულება განადგურდეს. მათი ცნობით, ბუჩის გენოციდზე ინფორმაციის გავრცელების შემდეგ რუსულმა ჯარებმა მობილური კრემატორიუმების გამოყენება დაიწყეს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.