გასულ კვირაში წლის პირველი კვარტალი დასრულდა, რომელიც საინვესტიციო თვალსაზრისით, ბოლო ორი წლის საუკეთესო პერიოდი ნამდვილად არ იყო.

მიმდინარე წლის პირველ სამ თვეში მსოფლიოში არსებულ მაღალ ინფლაციას გეოპოლიტიკური დაძაბულობაც დაემატა, რის გამოც ბაზარი გაურკვევლობამ მოიცვა.

სტატიის მომდევნო ნაწილში მარტის მდგომარეობით, ყველაზე ყიდვად და გაყიდვად აქციებზე გიყვებით. აქ საუბარია იმ აქციონერებზე, რომლებიც TipRanks-ის Smart Portfolio-ს ფლობენ.

ყველაზე ყიდვადი აქციები

მარტის თვის მდგომარეობით, ყველაზე მეტად ყიდვადი აქციების რეიტინგში Apple პირველ ადგილს იკავებს. მას Tesla მოჰყვება. თუ თებერვლის სიას შევხედავთ, ვნახავთ, რომ ახლა Apple-მა Advanced Micro Devices ჩაანაცვლა, რომელიც ამჟამად მე-12 პოზიციას იკავებს.

მიმდინარე წლის პირველი კვარტლის მიწურულს ყველაზე მეტად ყიდვადი აქციების რეიტინგი ასეთია:

1. Apple (AAPL), ადრე იყო მე-2 ადგილზე, ჩაანაცვლა Advanced Micro Devices;
2. Tesla (TSLA), ადრე იყო მე-5 ადგილზე, ჩაანაცვლა Apple;
3. Amazon (AMZN), ადრე იყო მე-9 ადგილზე, ჩაანაცვლა Meta Platforms;
4. Nvidia (NVDA), არ შეუცვლია პოზიცია;
5. Meta Platforms (FB), ადრე იყო მე-3 ადგილზე, ჩაანაცვლა Tesla;
6. Nio (NIO), ადრე იყო მე-10 ადგილზე, ჩაანაცვლა Microsoft;
7. Microsoft (MSFT), ადრე იყო მე-6 ადგილზე, ჩაანაცვლა Alphabet;
8. SoFi Technologies (SOFI), ადრე იყო პირველ ადგილზე, ჩაანაცვლა PayPal;
9. Alphabet (GOOGL), ადრე იყო მე-7 ადგილზე, ჩაანაცვლა Amazon;
10. Alibaba (BABA), ადრე იყო მე-18 ადგილზე, ჩაანაცვლა Nio.

ყველაზე გაყიდვადი აქციები

მარტში ყველაზე გაყიდვად 10 აქციას შორის, 9 იგივეა, რომელიც თებერვალში იყო. ცვლილება შეეხო მხოლოდ ერთ პოზიციას, რომელზეც Alibaba-მ Disney ჩაანაცვლა.

როგორც რეიტინგი აჩვენებს, ყველაზე გაყიდვად აქციებს შორის პირველ ადგილს Apple იკავებს.

მიუხედავად იმისა, რომ Alibaba სიაში ბოლო ადგილს იკავებს, ის საკმაოდ პოპულარულია უოლ სტრიტის ანალიტიკოსებს შორის, ისევე როგორც TipRanks ინვესტორებში.

1. Apple (AAPL), უცვლელია;
2. Tesla (TSLA), ადრე იყო მე-3 ადგილზე, ჩაანაცვლა Meta Platforms;
3. Nvidia (NVDA), ადრე იყო მე-4 ადგილზე, ჩაანაცვლა Tesla;
4. Nio (NIO), ადრე იყო მე-9 ადგილზე, ჩაანაცვლა Nvidia;
5. Microsoft (MSFT), ადრე იყო მე-6 ადგილზე, ჩაანაცვლა PayPal;
6. Meta Platforms (FB), ადრე იყო მე-2 ადგილზე, ჩაანაცვლა Microsoft;
7. Amazon (AMZN), არ შეუცვლია პოზიცია;
8. Advanced Micro Devices (AMD), არ შეუცვლია პოზიცია;
9. PayPal (PYPL), ადრე იყო მე-5 ადგილზე, ჩაანაცვლა Nio;
10. Alibaba (BABA), ადრე იყო მე-17 ადგილზე, ჩაანაცვლა Disney.

უნდა აღინიშნოს, რომ ამ საქმეში გამოცდილი ადამიანები ინვესტირებამდე სიღრმისეული კვლევის ჩატარების რეკომენდაციას გასცემენ. ცნობისთვის, საქართველოს ბანკის მობილბანკის ინვესტიციების ფუნქციონალი აქციების სიის შექმნისა და მათზე დაკვირვების საშუალებას იძლევა.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.