დიდმა ბრიტანეთმა 14 რუს პროპაგანდისტსა და სახელმწიფო მედიებს, რომლებიც რუსეთის უკრაინაში შეჭრასთან დაკავშირებით ცრუ ინფორმაციებს ავრცელებენ, სანქციები დაუწესა.

დიდი ბრიტანეთის სანქცირებულთა სიაში არიან ისეთი მედიასაშულებები, რომლებიც კრემლიდან ფინანსდებიან — TV-Novosti, რომელიც ფლობს პროპაგანდისტულ Russia Today-ის და Rossiya Segodnya, რომელიც გამოცემა Sputnik-ს ფლობს.

RT-ისთვის მაუწყებლობის ლიცენზიის გაუქმება ნიშნავს, რომ RT ვერ შეძლებს დიდი ბრიტანეთის ტელეეკრანებზე დაბრუნებას, ასევე ხელს შეუშლის დიდ ბრიტანეთში მოქმედ კომპანიებსა და კერძო პირებს აწარმოონ ბიზნესი რუსული სახელმწიფო პროპაგანდისტულ მედიებთან, RT-სა და Sputnik-თან.

სანქცირებულთა სიაში მოხვდნენ გაზპრომ-მედიის მთავარი აღმასრულებელი დირექტორი და როსკომნადზორის ყოფილი უფროსი ალექსანდრე ჟაროვი, RT-ის მმართველი დირექტორი ალექსეი ნიკოლოვი და Sputnik-ის საერთაშორისო მაუწყებლობის ხელმძღვანელი ანტონ ანისიმოვი.