მარიუპოლის მერის, ვადიმ ბოიჩენკოს განცხადებით, ოკუპანტებმა ქალაქში ჯოჯოხეთისა და არმაგედონის დღეები მოაწყო. ასე ეხმაურება ის მარიუპოლის რამდენიმედღიან დაბომბვას, რომელსაც მშვიდობიანი მოქალაქეები, მათ შორის, ბავშვები ემსხვერპლნენ.

"მე-15 დღეა მიმდინარეობს ცინიკური და გამანადგურებელი ომი კაცობრიობის წინააღმდეგ. რუსულ-ფაშისტურმა არმიამ მოგვიწყო ჯოჯოხეთის, არმაგედონის ორი დღე. ისინი ცინიკურად ისვრიან აკრძალული იარაღიდან, გრადებიდან დასახლებული პუნქტების მიმართულებით. დღეს მათ ცინიკურად დაცხრილეს საგანგებო სიტუაციების მართვის სამსახური.

ეს ცინიზმია, ეს გენოციდია, რომელიც მოაწყო რუსულმა არმიამ, ტერორისტის, პუტინის ხელმძღვანელობით მარიუპოლის მშვიდობიანი მოქალაქეების წინააღმდეგ. მათ ცინიკურად ჰყავთ ტყვედ აყვანილი 400 000 მარიუპოლელი, რომლებიც ყოველ დღე იმედით ელოდებიან ჰუმანიტარულ დერეფანს, ისინი კი ცინიკურად ამბონენ, რომ დერეფანი არის და "გადით", — თქვა მან ვიდეომიმართვაში.

მერი ამბობს, რომ მაშინ, როდესაც ჰუმანიტარული ტვირთი ოკუპირებულ ქალაქში შემოსვლას 6 დღეა ვერ ახერხებს, რუსეთის ფედერაციას "სიჩუმე" აქვს გამოცხადებული. ბოიჩენკო დასძენს, რომ ეს რუსეთი მხრიდან ცინიზმის ყველაზე მაღალი საფეხურია.