უკრაინის გამოძიების სახელმწიფო ბიურო უკრაინელი ოფიციალური პირებისა და სამართალდამცავების მხრიდან სახელმწიფო ღალატის 38 შემთხვევას იძიებს. უწყების ცნობით, მოღალატეების გამოვლენა პროკურატურასთან და სხვა სამართალდამცავ უწყებებთან მჭიდრო თანამშრომლობით ხდება.

მათივე თქმით, ასევე აღძრეს სისხლის სამართლის საქმეები რამდენიმე პოლიციელის წინააღმდეგ მარიუპოლსა და ხერსონში. საგამოძიებო ბიუროს განცხადებით, მათ სახელმწიფო ღალატი ჩაიდინეს საომარი მდგომარეობის პირობებში და მტრის მხარეზე გადავიდნენ.

ბიურო აღნიშნავს, რომ მსგავსი ქმედებები რუსეთის ფედერაციაში დროებით ოკუპირებულ ტერიტორიებზე ფიქსირდება. უწყების თქმით, ყველა მოღალატეს დააპატიმრებენ და კანონის წინაშე პასუხს მკაცრად აგებინებენ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში