უკრაინის საგარეო საქმეთა მინისტრმა, დმიტრო კულებამ დაადასტურა, რომ ის რუსეთის საგარეო საქმეთა მინისტრს, სერგეი ლავროვს თურქეთში მოლაპარაკებებზე შეხვდება. კულებას თქმით, თუ ლავროვი სერიოზული საუბრისთვის მზადაა, მაშინ როგორც დიპლომატები ისე ისაუბრებენ, მაგრამ თუ პროპაგანგის გამეორებას დაიწყებს, მაშინ იმ მწარე სიმართლეს მიიღებს, რომელსაც იმსახურებს.

"თუ ის [ლავროვი] მოწოდებულია სერიოზული საუბრისთვის, მაშინ ჩვენ როგორც დიპლომატი დიპლომატთან სერიოზულად ვისაუბრებთ. თუ ის დაიწყებს იმ აბსურდული პროპაგანდის გამეორებას, რომელიც ბოლო დროს მისგან ისმის, მაშინ ჩემგან მიიღებს მწარე სიმართლეს, რომელსაც იმსახურებს. მაგრამ, კიდევ ერთხელ მინდა ხაზი გავუსვა, თუ ბატონი ლავროვი მზადაა სერიოზული საუბრისთვის, მაშინ ამისთვის მეც მზად ვარ. მე მზად ვარ ვესაუბრო ნებისმიერს იმისთვის, რომ უკრაინაში დამყარდეს მშვიდობა, არ კლავდნენ უკრაინის მოქალაქეებს, არ ანგრევდნენ ჩვენს ქალაქებს და სოფლებს", — განაცხადა კულებამ.

დღეს თურქეთის საგარეო საქმეთა მინისტრმა, მევლუთ ჩავუშოღლუმ განაცხადა, რომ უკრაინის საგარეო საქმეთა მინისტრი დმიტრო კულება და რუსეთის საგარეო საქმეთა მინისტრი სერგეი ლავროვი ერთმანეთს 10 მარტს თურქეთში შეხვდებიან.