პარტია დროას ლიდდერი ელენე ხოშტარია დღეს პოლიციამ მეორედ დააკავა. როგორც პარტიის პრესსამსახურმა On.ge-ს განუცხადა, ხოშტარია კანცელარიასთან კვლავ რუსეთის მხრიდან საქართველოსთვის პროდუქტების გატანის ნებართვის მიცემას აპროტესტებდა.

ელენე ხოშტარიასთან ერთად დაკავებულია აქციის 4 წევრი, რომელთაგან ერთ-ერთი პარტია ლელოს ახალგაზრდული ფრთის ლიდერი გიორგი ტალახაძეა.

პირველად პოლიციამ მთავრობის ადმინისტრაციასთან ხოშტარია მაშინ დააკავა, როდესაც ის პროტესტის ნიშნად რუსულ კეტჩუპს ასხამდა.

დამატებითი დეტალების გასარკვევად On.ge შსს-ს დაუკავშირდა და მათ პასუხს მიღებისთანავე შემოგთავაზებთ.

რუსეთის ვეტერინარული და ფიტოსანიტარული კონტროლის ფედერალურმა სამსახურმა, რომელიც მოქმედებს როგორც სადამსჯელო ორგანო რუსეთის ფედერაციის არამეგობრული სახელმწიფოების მიმართ სავაჭრო სანქციების დაწესებისთვის, 15 ქართულ საწარმოს რუსეთში რძის პროდუქტების გატანის ნებართვა მისცა.

საქართველოს სურსათის ეროვნული სააგენტო აცხადებს, რომ რუსეთთან მოლაპარაკებები 2020 წლიდან მიმდინარეობდა და ქართული პროდუქტის ექსპორტზე გატანის გადაწყვეტილებაც სწორედ ამის საფუძველზე იქნა მიღებული.