დიდი ბრიტანეთის პრემიერმინისტრი, ბორის ჯონსონი ზაპოროჟიეს ატომური ელექტროსადგურთან დაკავშირებულ მძიმე ვითარებაზე უკრაინის პრეზიდენტ ვოლოდიმირ ზელენსკის ესაუბრა. ბრიტანეთის მთავრობის განცხადებით, ბორის ჯონსონი გაეროს უშიშროების საბჭოს საგანგებო სხდომას მოითხოვს უახლოეს საათებში.

"პრემიერმინისტრის თქმით, პრეზიდენტი პუტინის ქმედებებმა შეიძლება საფრთხე შეუქმნას მთელი ევროპის უსაფრთხოებას. მან თქვა, რომ დიდი ბრიტანეთი ყველაფერს გააკეთებს იმისათვის, რომ სიტუაცია არ გაუარესდეს. პრემიერმინისტრის თქმით, ის მოითხოვს გაეროს უშიშროების საბჭოს საგანგებო სხდომას უახლოეს საათებში და დიდი ბრიტანეთი ამ საკითხს დაუყოვნებლივ დააყენებს რუსეთთან და ახლო პარტნიორებთან. ლიდერები შეთანხმდნენ, რომ ცეცხლის შეწყვეტა აუცილებელია", — ვკითხულობთ განცხადებაში.

ზაპოროჟიეს ატომურ ელექტროსადგურთან რუსებმა ცეცხლი გახსნეს, ადგილზე ხანძარი გაჩნდა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში