კიევის მერის, ვიტალი კლიჩკოს განცხადებით, კიევში 9-სართულიან კორპუსში გაჩენილი ხანძრის შედეგად 3 ადამიანი დაშავდა. უკრაინული მედია, Unian მერზე დაყრდნობით წერს, რომ ერთ-ერთის მდგომარეობა მძიმეა.

"სასწრაფო დახმარებას ხალხი კლინიკებში გადაჰყავს. ყველა შესაბამისი სამსახური ადგილზე მუშაობს. კორპუს ცეცხლი უკიდია და არსებობს ჩამონგრევის საფრთხე", — დაწერა მან.

Unian-ის ცნობით, კორპუსს ცეცხლი რუსული სამხედრო თვითმფრინავის ჩამოგდების შედეგად გაუჩნდა — ხანძარი მეოთხედან მეცხრე სართულამდეა.

გამთენიისას კიევში რამდენიმე აფეთქების ხმა გაისმა. Unian შს მინისტრის მრჩევლის, ანტონ გერაჩენკოზე დაყრდნობით წერს, რომ აფეთქებების ხმა ისმოდა დედაქალაქის პეჩერსკის და გოლოსევსკის რაიონებში, პოზნიაკიში. მისივე თქმით, კიევზე ბალისტიკური რაკეტებით თავდასხმა განახლდა.

გასული 24 საათის მთავარი ამბებია:

  • პუტინი უკრაინაში შეიჭრა და ომი დაიწყო;
  • რუსულმა ჯარებმა უკრაინას სხვადასხვა ტერიტორიიდან, მათ შორის ბელარუსიდან შეუტიეს, რასაც ლუკაშენკო უარყოფს;
  • თავდასხმა სხვადასხვა ქალაქსა და რეგიონში, მათ შორის, კიევის ოლქშიც მოხდა;
  • რუსებმა კონტროლი დაამყარეს რამდენიმე აეროდრომსა და აეროპორტზე;
  • რუსებმა ხელში ჩაიგდეს ჩერნობილის ატომური სადგური;
  • ევროკავშირმა, ბრიტანეთმა, აშშ-მ და კანადამ რუსეთს ახალი სანქციები დაუწესეს;
  • უკრაინაში კომენდანტის საათი და საომარი მდგომარეობა გამოცხადდა;
  • უკრაინამ რუსეთთან დიპლომატიურ ურთიერთობები გაწყვიტა;
  • ომის გასაპროტესტებლად აქციები მსოფლიოს სხვადასხვა ქალაქში, მათ შორის, მოსკოვში გაიმართა, სადაც ასეულობით ადამიანი დააკავეს;
  • ორივე მხარეს დაიღუპა ათეულობით სამხედრო, ზუსტი რაოდენობა უცნობია;
  • რუსული რუბლი რეკორდულად გაუფასურდა;
  • რუსეთის თავდასხმის შედეგად 137 უკრაინელი გარდაიცვალა, 169 დაიჭრა.

გაიგეთ მეტი: