ზამთრის ოლიმპიურ თამაშებზე კაცების სათხილამურო რბოლის მანძილი 50 კმ-დან 30-მდე შემცირდა, თუმცა ეს ფინეთის მონაწილეს მაინც ვერ დაეხმარა: სპორტსმენს შეჯიბრის დასრულების შემდეგ სხეულის განსაკუთრებით მგრძნობიარე ნაწილის ჩათბუნება დასჭირდა.

The Guardian-ის ინფორმაციით, რემი ლინდჰოლმი საათი და 16 წუთი იმყოფებოდა ქარსა და ყინვაში, რის შედეგადაც პენისი უკვე მეორედ გაეყინა. პირველად ასეთი ინციდენტი გასულ წელს ფინელ მოთხილამურეს სამშობლოში შეემთხვა.

"ალბათ, მარტივი გამოსაცნობია, შეჯიბრის ბოლოს სხეულის რომელი ნაწილი მქონდა გაყინული. ეს ერთ-ერთი ყველაზე ცუდი შეჯიბრია, რომელშიც მონაწილეობა მიმიღია", — განაცხადა ფინელმა სპორტსმენმა.

დაბალი ტემპერატურისა და ყინვის გამო ოლიმპიადის ორგანიზატორებიც ღელავდნენ, ამიტომაც შეჯიბრი ერთი საათით გადაიდო და მანძილიც 20 კმ-ით შემცირდა.

ლინდჰოლმის თქმით, ყველაზე რთული ნაწილი რბოლის დამთავრება აღმოჩნდა. "როცა სხეულის ნაწილების გალღვობდა დაიწყო, ტკივილი აუტანელი გახდა", — დასძინა მან.