რუსეთის პრეზიდენტის ირონიულ შეთავაზებას პოლიტიკური თავშესაფრის მინიჭებაზე უკრაინის ექსპრეზიდენტმა, პეტრო პოროშენკომ უპასუხა და ვლადიმერ პუტინს ურჩია, ბოლოს და ბოლოს გააცნობიეროს, რომ უკრაინაში თავად მოგვარდებიან. მისი თქმით, რუსეთის მუდმივი პრაქტიკა "იზრუნოს" უკრაინის პოლიტიკაზე დიდი ხნის წინ დასრულდა.

ფეისბუქზე გამოქვეყნებულ პოსტში მან უკრაინის მოქმედი პრეზიდენტიც გააკრიტიკა და ურჩია, ძალისხმევა ქვეყნის დაცვაზე მიმართოს და არა მასზე.

"ჩვენმა გუნდმა არაერთხელ განაცხადა, რომ უკრაინაში პროევროპული ოპოზიციის დევნით ზელენსკის, პირველ რიგში უნდა, საჩუქარი გაუკეთოს პუტინს. ახლა ეს თავად პუტინმა დაადასტურა.

ვურჩევ ვლადიმერ ალექსანდროვიჩს [ზელენსკის] შეწყვიტოს პუტინის გახარება და ქვეყნის დაცვას მიხედოს. სწორ იქ მიმართოს თავისი და სამართალდამცავი ორგანოების ძალისხმევა, რომლებიც ახლა პოროშენკოთი უფრო არიან დაკავებული, ვიდრე რუსული საფრთხით. ხოლო ვლადიმერ ვლადიმეროვიჩს [პუტინს ვურჩევ] ბოლოს და ბოლოს გააცნობიეროს, რომ ჩვენ თავად გავერკვევით, აქ, უკრაინაში და რუსეთის მუდმივი პრაქტიკა, "იზრუნოს" უკრაინულ პოლიტიკასა და პოლიტიკოსებზე, დიდი ხანია დასრულდა. მაშინ, როცა მე ამირჩიეს უკრაინის პრეზიდენტად", — დაწერა მან ფეისბუქზე.

პუტინმა საფრანგეთის პრეზიდენტთან შეხვედრის შემდეგ გამართულ ბრიფინგზე უკრაინის ყოფილ პრეზიდენტს, პეტრო პოროშენკოს დასცინა და რუსეთში პოლიტიკური თავშესაფარი "შესთავაზა".

პეტრო პოროშენკო უკრაინაში 17 იანვარს ჩავიდა. კიევის სასამართლოს გადაწყვეტილებით, ის არ დააკავეს. სასამართლომ ექსრეზიდენტი პირადი პასუხისმგებლობით გაათავისუფლა და საზღვარგარეთ გასამგზავრებელი პასპორტის ჩაბარება დაავალა.

2021 წლის 17 დეკემბერს გამოძიების სახელმწიფო ბიუროში განაცხადეს, რომ პოროშენკომ უგულებელყო გამომძიებლები, რომლებიც ცდილობდნენ მის გამოძახებას დანაშაულებრივი სქემის საქმეზე. იმავე დღეს ცნობილი გახდა, რომ ყოფილი პრეზიდენტი ქვეყნიდან გაემგზავრა. 20 დეკემბერს, იმის გამო, რომ შეტყობინება პირადად ვერ მიაწოდეს, ის გაგზავნეს საცხოვრებელ, ასევე, რეგისტრაციის მისამართზე და სამუშაო ადგილას. 6 იანვარს პოროშენკოს ქონება დააყადაღეს.

უკრაინის ყოფილი პრეზიდენტი ქვეყნის ოკუპირებული ტერიტორიებიდან ნახშირის მიწოდების დანაშაულებრივი სქემის საქმეშია ბრალდებული. მას ტერორიზმის დაფინანსებაში, ტერორისტული ორგანიზაციის შექმნაში და სახელმწიფო ღალატში ადანაშაულებენ. კონკრეტულად მას ბრალი ედება იმაში, რომ წინასწარი შეთანხმებით, გარკვეულ პირებთან, მათ შორის რუსეთის მაღალჩინოსნების წარმომადგენლებთან ერთად ხელი "ლუგანსკის სახალხო რესპუბლიკისა და დონეცკის სახალხო რესპუბლიკის საქმიანობას". ორივე თვითგამოცხადებული რესპუბლიკაა, რომელიც ოკუპირებულია რუსეთის მიერ.