თურქეთის პრეზიდენტი რეჯეფ თაიფ ერდოღანი თურქულ მედიას ქვეყნის ფასეულობების "დამაზიანებელი" ინფორმაციის გავრცელებისთვის საპასუხო ქმედებებით დაემუქრა. ინფორმაციას Reuters ავრცელებს.

ოფიციალურ გაზეთში ერდოღანმა განაცხადა, რომ საჭიროა ზომების მიღება თურქეთის ეროვნული კულტურის დასაცავად და ბავშვების განვითარებისთვის "დამაზიანებელი" შინაარსის ყველა წერილობითი, ვერბალური და ვიზუალური მედია პროდუქტის თავიდან აცილება.

პრეზიდენტს არ დაუკონკრეტებია რა იგულისხმებოდა "დამაზიანებელ" შინაარსში, თუმცა აღნიშნა, რომ მასობრივი გზით ღია ან ფარული ქმედებების წინააღმდეგ, რომლებიც მიმართულია თურქეთის ეროვნული და მორალური ფასეულობების შელახვის, ოჯახისა და სოციალური სტრუქტურის დარღვევისკენ, სამართლებრივი ზომები იქნება მიღებული.