მოსახლეობის 42% აცრას არ აპირებს — NDI
![](http://phoebe.on.ge/2021/05/11/hypatia-h_d1950db4d8e4f85c899ebd1ef7b4513b-h_f0c6ac994fb5d1987b4348304b7e8f4a_609a5e5cd7213.jpg)
ფოტო: Matt Rourke/AP/FILE
ეროვნულ-დემოკრატიული ინსტიტუტის (NDI) კვლევის მიხედვით, გამოკითხული მოსახლეობის 42% აცრას არ აპირებს. 25% ამბობს, რომ აიცრებოდა, ხოლო 29% აცხადებს, რომ ვაქცინა უკვე გაიკეთა.
![](http://phoebe.on.ge/2022/01/27/meore.jpg)
ფოტო: NDI
მოსახლეობის უმრავლესობა დარწმუნებულია, რომ ვაქცინაციის შესახებ საკმარისი ინფორმაცია აქვს. 2021 წლის ივლისში ასე გამოკითხულთა 54% ფიქრობდა, ეს რიცხვი დეკემბრის თვეში 64%-მდე გაიზრდა.
![](http://ross.on.ge/2022/01/27/pirveli.jpg)
ფოტო: NDI
კვლევის თანახმად, ვაქცინის მიმართ სკეპტიკურად განწყობილი ადამიანების 38% მიზეზად ვაქცინის ხარისხის მიმართ უნდობლობას ასახელებს, 20% კი ჯანმრთელობის პრობლემებს. 15% ამბობს, რომ კორონავირუსის პანდემიას ვაქცინაციის გარეშეც გაუმკლავდება.
![](http://chandler.on.ge/2022/01/27/slai_61f255cd081ca.jpg)
ფოტო: NDI
გარდა ამისა, ვაქცინირებული მოსახლეობის მესამედი ბუსტერ დოზის გაკეთებას არ აპირებს. 63% ამბობს, რომ ბუსტერი უკვე გაიკეთა, 14% აცხადებს, რომ ბუსტერ დოზით არ აიცრება. გამოკითხულთა 3%-ის თქმით, ბუსტერ დოზით უკვე აიცრა, ხოლო 20% ამბობს, რომ არ იცის გაიკეთებს თუ არა ვაქცინის ბუსტერ დოზას.
NDI-ის მიერ ჩატარებული კვლევი მიხედვით, მოსახლეობის უმრავლესობა ბავშვების კორონავირუსის საწინააღმდეგო ვაქცინით აცრის წინააღმდეგია. კითხვაზე, აცრიდით თუ არა თქვენს შვილს კორონავირუსის საწინააღმდეგო ვაქცინით, 59% ამბობს, რომ — არა, 26% აცხადებს, რომ — კი. გამოკითხულთა 1%-მა თქვა, რომ შვილი უკვე აცრა, ხოლო 15% ამბობს, რომ — არ იცის.
![](http://chandler.on.ge/2022/01/27/bav_61f255e244f0e_61f2560e4e55f.jpg)
ფოტო: NDI
გარდა ამისა, კვლევის თანახმად, ჯანდაცვის სისტემას სრულად გამოკითხულთა 23%, ხოლო ნაწილობრივ, 50% ენდობა. ჯანდაცვის სისტემის მიმართ ნაწილობრივ უნდობლობას 11% გამოხატავს, ხოლო 14% ამბობს, რომ მას საერთოდ არ ენდობა.
![](http://phoebe.on.ge/2022/01/27/ss.jpg)
ფოტო: NDI
ორგანიზაციის განცხადებით, მოსახლეობის ნახევარი მთავრობის მიერ პანდემიის მართვას დადებითად აფასებს.
![](http://joey.on.ge/2022/01/27/Mat.jpg)
ფოტო: NDI
ამავე კვლევის მიხედვით, მოსახლეობის უმრავლესობის აზრით, პანდემიასთან დაკავშირებით ყველაზე უარესი ჯერ კიდევ წინ არის.
![](http://rachel.on.ge/2022/01/27/moam.jpg)
ფოტო: NDI
საზოგადოების განწყობის კვლევა საქართველოში NDI-ის დაკვეთით, CRRC საქართველოს მიერ ჩატარდა.
აღნიშნული კვლევა 2021 წლის 7-13 დეკემბრის პერიოდში საქართველოს მასშტაბით 2,099 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის (ოკუპირებული ტერიტორიების გამოკლებით) ჩატარდა. გამოკითხვის საშუალო ცდომილების ზღვარი +/- 1,4%-ია. რესპონდენტები შემთხვევით ნომერზე დარეკვის მეთოდით შეირჩნენ.
-
-
გადახედვა
-
გადახედვა
-
-
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
-
გადახედვა
-
-
-
გადახედვა
-
-
კომენტარები