რთული მეტეოროლოგიური პირობებისა და დიდთოვლობის გამო არაერთ საავტომობილო გზაზე გადაადგილება შეზღუდულია. ეს ეხება როგორც შიდასახელწმიფოებრივი, ისე საერთაშორისო მნიშვნელობის გზის მონაკვეთებს.

საავტომობილო გზების დეპარტამენტის ინფორმაციით, ამ დროისთვის მისაბმელიანი და ნახევრადმისაბმელიანი ტრანსპორტისთვის მოძრაობა შეზღუდულია შემდეგ ადგილებში:

  • შიდასახელმწიფოებრივი მნიშვნელობის ქუთაისი-წყალტუბო-ცაგერი-ლენტეხი-ლასდილის საავტომობილო გზის 42-125 კილომენტრზე, კონკრეტულად, ცაგერი-მელეს მონაკვეთზე; აღსანიშნავია, რომ მოძრაობა სრულად თავისუფალია ამავე გზის 1-42 კილომეტრზე — წყალტუბოს გადასახვევიდან ცაგერამდე მონაკვეთზე;
  • გუდაური-კობის მონაკვეთზე; გარემოს ეროვნული სააგენტოს ცნობით, მლეთა-გუდაურის და გუდაური-კობის მონაკვეთებზე ტრანსპორტის მოძრაობა შესაძლებელი იქნება მხოლოდ ზვავდამცავი გვირაბების გავლით, გაუჩერებლად გავლის რეჟიმში, საპატრულო პოლიციის უშუალო ზედამხედველობით;
  • გომი-საჩხერე-ჭიათურა-ზესტაფონის საავტომობილო გზის 1-106 კილომეტრზე. დანარჩენი სახის ტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ტრანსპორტის მოძრაობა სრულად თავისუფალია;
  • ალპანა-ცაგერის საავტომობილო გზის 1-22 კილომეტზეც; გზის ამ მონაკვეთზე არ შეიძლება 30 ადგილზე მეტი ტევადობის ტრანსპორტის მოძრაობაც. დანარჩენი სახის ტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია;
  • ნაქერალას უღელტეცილზეც. მოცურების საწინააღმდეგო ჯაჭვების გამოყენებითაა დაშვებული მოძრაობა ქუთაისი-ტყიბული-ამბროლაურის საავტომობილო გზის 1-72 კილომეტზე.
  • საჩხერე-ონის საავტომობილო გზაზე;
  • ბათუმი -ახალციხის საავტომობილო გზის 86-106 კილომეტზე მოძრაობა დასაშვებუა მხოლოდ მაღალი გამავლობის ტრანსპორტისთვის;
  • ხაშური-ვალეს მონაკვეთზე. აქ, ასევე, შეზღუდულია 30 ადგილზე მეტი ტევადობის ტრანსპორტის მოძრაობაც;
  • ქუთაისი-საირმისა და ბაღდათი-საირმის გზაზე. აქ, ასევე, შეზღუდულია 30 ადგილზე მეტი ტევადობის ტრანსპორტის მოძრაობაც. დანარჩენი სახის ტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით;
  • ჩოლაბურის ხიდი-თერჯოლა-ტყიბულის საავტომობილო გზის 16-29 კილომეტზე მოძრაობა დასაშვებია მხოლოდ მოცურების საწინააღმდეგო ჯაჭვების გამოყენებით;
  • ცაგერი-მელეს მონაკვეთზე. აღსანიშნავია, რომ მოძრაობა თავისუფალია წყალტუბოს გადასახვევიდან ცაგერამდე მონაკვეთზე;
  • ჯვარი-უშგულის მონაკვეთზე. აქ, ასევე, შეზღუდულია 30 ადგილზე მეტი ტევადობის ტრანსპორტის მოძრაობაც. მესტია-უშგულის მონაკვეთზე ტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. აღსანიშნავია, რომ მოძრაობა თავისუფალია ზუგდიდი-ჯვარის მონაკვეთზე.

ამ დროისთვის მოძრაობა უკვე თავისუფალია:

  • საერთაშორისო მნიშვნელობის ახალქალაქი-კარწახის საავტომობილო გზაზე;

საავტომობილო გზების დეპარტამენტის ინფორმაციით, გაწმენდითი სამუშაოები გუშინ, მთელი ღამის განმავლობაში მიმდინარეობდა და ამ წუთებშიც გრძელდება" მობილიზებულია ტექნიკა და გზები მუშავდება ქვიშა-მარილის ნარევით.

საავტომობილო გზების დეპარტამენტი მოსახლეობას მოუწოდებს, იმოძრაონ ზამთრის პერიოდისათვის შესაბამისი საბურავებით, გამართული ავტოტრანსპორტით და დაემორჩილონ საავტომობილო გზებზე დაწესებულ რეჟიმებს.