28 დეკემბერს, საღამოს საათებში ნაციონალურ მოძრაობასთან მოშიმშილე სამი ადამიანი შეუძლოდ გახდა და კლინიკაში გადაიყვანეს. ინფორმაცია On.ge-ის პარტიის პრესამსახურში დაუდასტურეს. ამ ეტაპზე, დამატებითი დეტალები მათ ჯანმრთელობის მდგომარეობასთან დაკავშირებით არ ვრცელდება.

21 დეკემბერს მიხეილ სააკაშვილის მხარდამჭერ აქციაზე ნაციონალური მოძრაობის თავმჯდომარემ, ნიკა მელია მასობრივი შიმშილობა გამოაცხადა. მელიას ინფორმაციით, სააკაშვილის გათავისუფლების მოთხოვნით 300-მდე ადამიანმა დაიწყო შიმშილობა. 22 დეკემბერს, ნაციონალური მოძრაობის ერთ-ერთმა ლიდერმა, კობა ნაყოფიამ განაცხადა, რომ მოშიმშილეთა სიაში 180 ადამიანია დარეგისტრირებული, თუმცა ვარაუდობს, რომ ეს რიცხვი გაიზრდება.

აქტივისტები კახეთის გზატკეცილზე, ნაციონალური მოძრაობის ოფისის ეზოში განლაგებულ კარვებში შიმშილობენ.

გაიგე მეტი: