ჰოლუვიდში არც ისე იშვიათია შემთხვევები, როდესაც მსახიობებს ერთმანეთი გადასაღებ მოედანზე უყვარდებათ, ანდაც საერთო პროექტზე მუშაობას მას შემდეგ იწყებენ, რაც ერთმანეთს რეალურ ცხოვრებაში ხვდებოდნენ, შემდეგ კი დაშორდნენ. გამონაკლისი არც სუპერგმირებით სავსე მარველის სამყაროა.

მართალია, ამჟამად მთელი ყურადღება ზენდეიასა და ტომ ჰოლანდის წყვილზეა მიპყრობილი, თუმცა ეს ერთადერთი შემთხვევა არაა, როდესაც მარველის მსახიობები ერთმანეთს რეალურ ცხოვრებაში ხვდებოდნენ.

წარმოგიდგენთ 7 წყვილს მარველის სამყაროდან, რომელიც ერთმანეთს რეალურ ცხოვრებაში ხვდებოდა:

1. ტომ ჰოლანდი და ზენდეია

ფოტო: Getty Images

ტომ ჰოლანდი და ზენდეია მარველის ახალ სპაიდერმენში პიტერ პარკერისა და ემჯეის როლს ასრულებენ. ეკრანის მიღმა ისინი ერთმანეთს რეალურ ცხოვრებაშიც ხვდებიან და ცოტა ხნის წინ წითელ ხალიჩაზე წყვილის სტატუსითაც პირველად გამოჩნდნენ.

2. ენდრიუ გარფილდი და ემა სტოუნი

ფოტო: Sony

Amazing Spider-Man-ში ენდრიუ გარფილდი პიტერ პარკერის როლს ასრულებს, ემა სტოუნი კი გვენ სტეისის განასახიერებს. ეკრანზე მათი წყვილი ყველამ შეიყვარა, რაც შესაძლოა იმის დამსახურებაცაა, რომ მსახიობები იმ დროს ერთმანეთს რეალურ ცხოვრებაშიც — 2012-დან 2015 წლამდე ხვდებოდნენ.

3. ტობი მაგუაირი და კრისტენ დანსტი

ფოტო: Son

ტობი მაგუაიერმა და კრისტენ დანსტმა ერთმანეთთან შეხვედრა 2002 წელს, სპაიდერმენის პირველი ფილმის გადაღებების დროს დაიწყეს. წყვილი ერთმანეთს მეორე ნაწილის გადაღებების დაწყებამდე დაშორდა. რეჟისორის თქმით, თავდაპირველად ღელავდა, რომ ეს ფაქტი მსახიობების ფილმში წყვილის განსახიერებაში ხელს შეუშლიდა, თუმცა აღიარა, რომ მისი შიშები არ გამართლდა.

4. ნატალი პორტმანი და ჯეიკ ჯილენჰოლი

ფოტო: Getty Images

მართალია, მარველის სამყაროში ერთმანეთი არ უყვარდათ, თუმცა რეალურ ცხოვრებაში ერთმანეთს ორჯერ — 2002 და 2006 წლებში ხვდებოდნენ. ნატალი პორტმანი თორში ჯეინ ფოსტერის როლს ასრულებს, ჯეიკ ჯილენჰოლი კი Spider-Man: Far From Home-ში მისტერიოს განსახიერებს.

5. რობერტ დაუნი უმცროსი და მარისა ტომეი

ფოტო: Sony

რკინის კაცი სპაიდერმენში პიტერ პარკერის დეიდა მეის რამდენჯერმე წაეფლირტავა, თუმცა სინამდვილეში მსახიობები ერთმანეთს რეალურ ცხოვრებაშიც — 1993-1994 წლებში ხვდებოდნენ.

6. სკარლეტ იოჰანსონი და რაიან რეინოლდსი

ფოტო: Getty Images

დედპული და ნატაშა რომანოვი 2008-2011 წლებში დაქორწინებულები იყვნენ. მოგვიანებით სკარლეტ იოჰანსონმა ერთ-ერთ ინტერვიუში განაცხადა, რომ იმ პერიოდში ქორწინების ნამდვილი მნიშვნელობა არ ესმოდა.

7. ემილი ვანკემპი და კრის პრატი

ფოტო: Everett

ემილი ვანკემპი და კრის პრატი ერთმანეთს 2004-2007 წლებში ხვდებოდნენ. ემილი Captain America: The Winter Soldier-ში შერონ კარტერს განასახიერებდა, კრისი კი Guardians of the Galaxy-ში სტარლორდის როლს ასრულებს.