საქართველოს პრემიერმინისტრის, ირაკლი ღარიბაშვილის განცხადებით, სჯერა, რომ საქართველოს NATO-ში გაწევრიანებაზე კონკრეტული პოლიტიკური გადაწყვეტილებების მიღების როს დადგა. ამის შესახებ მან NATO-ს გენერალურ მდივანთან ერთად გამართულ ბრიფინგზე ისაუბრა.

"საქართველომ მნიშვნელოვან წინსვლას მიაღწია ევროატლანტიკური ინტეგრაციისკენ მიმავალ გზაზე. გვჯერა, რომ ჩვენი ინტეგრაციის პროცესის გააქტიურების და კონკრეტული პოლიტიკური გადაწყვეტილებების მიღების დრო დადგა. ეს იქნება მკაფიო გზავნილი ყველა ასპირანტი ქვეყნისთვის, რომ მიზანდასახულობას, ერთგულებას და დაუღალავ შრომას რეალური შედეგები მოაქვს. ეს იქნება ძლიერი გზავნილი, რომლის ექოც ფართოდ გადასცდება მთელს რეგიონს და ყველა დარწმუნდება, რომ NATO აქ არის და უფრო ძლიერია, ვიდრე ოდესმე", — ამბობს ღარიბაშვილი [სინქრონული თარგმანი].

დღეს ბრიუსელში აღმოსავლეთ პარტნიორობის სამიტი იმართება. სამიტამდე საქართველოს პრემიერმინისტრი, ირაკლი ღარიბაშვილი NATO-ს გენერალურ მდივანს, იენს სტოლტენბერგს შეხვდა.