On.ge-ის ჟურნალისტებმა, თამთა კახაბერიძემ და მარიამ ქავთარაძემ მედია თანასწორობისთვის კონკურსში გაიმარჯვეს და თანასწორობის ჩემპიონების ჯილდო მიიღეს. კონკურსი ორგანიზაცია ქალები საერთო მომავლისთვის — საქართველომ (WECF) ევროკავშირის მხარდაჭერით ჩაატარა.

#მედიათანასწორობისთვის კონკურსის მიზანია წაახალისოს ქალთა უფლებებსა და თანასწორობის თემებზე მომუშავე მედიის წარმომადგენლები, ფოტოგრაფები, ბლოგერები, ვლოგერები, კონტენტის შემქმნელები და გრაფიტ-არტისტები. ეს არის პირველი მულტიმედია დაჯილდოება, რომელიც განკუთვნილია როგორც ეროვნული/ნაციონალური, ასევე რეგიონალური მულტიმედია პლატფორმებისთვის.

დაჯილდოებაზე გამარჯვებულები 4 კატეგორიაში გამოვლინდნენ:

საუკეთესო ეროვნული/ნაციონალური მულტიმედია პროდუქტი

ამ კატეგორიაში მოხვედრილი 3 ფინალისტიდან 2 On.ge-ის ჟურნალისტების სტატია იყო.

საუკეთესო რეგიონალური მულტიმედია პროდუქტი

საუკეთესო კონტენტი სოციალურ მედიაში

საუკეთესო ვიზუალური ამბის თხრობა

  • დინა ოგანოვა — #MeToo

ფოტო: On.ge

"ინგა შვილებთან დაბრუნდა"

თამთა კახაბერიძემ და მარიამ ქავთარაძემ კონკურსში გაიმარჯვეს სტატიით — ინგა შვილებთან დაბრუნდა. სტატია მოგვითხრობს ძალადობის მსხვერპლ ქალზე, რომელიც ციხეში აღმოჩნდა, თუმცა არ დანებდა, ბრძოლის შემდეგ დაწესებულება დატოვა და შვილებს დაუბრუნდა.

წაიკითხეთ ნაწყვეტი სტატიიდან:

ინგა კაპანაძეს ციხიდან გამოსვლის მეორე დღეს, საკუთარ სახლში მივაკითხეთ. ამ დღეს თვეების განმავლობაში ველოდი — მას შემდეგ, რაც მისი ისტორია მოვისმინე, მინდოდა პირადად გამეცნო ქალი, რომლის მარცხსა თუ გამარჯვებებზე აქამდეც არაერთხელ დამიწერია.

"ცუდი დედა არ ვარ, არც ვიქნები და არც არასოდეს ვყოფილვარ. ეს იცოდეს ყველამ. ჩემს შვილებთან მე მტკიცებულებები არ მჭირდება", — ასე იწყებს საუბარს ქალი, რომელიც არასრულწლოვან შვილებზე ძალადობის ბრალდებით სამი წელი და სამი თვე ციხეში იხდიდა სასჯელს. ინგა ამბობს, რომ უდანაშაულოა და გისოსებს მიღმა ქმრის შურისძიების გამო მოხვდა — მას შემდეგ, რაც მისგან ძალადობის გამო პოლიციას მიმართა.

სტატიის სრულად ნახვა შეგიძლიათ აქ.