ადამიანის უფლებათა საერთაშორისო დღესთან დაკავშირებით ევროკავშირის ელჩი საქართველოში, კარგ ჰარცელი თანასწორობის მნიშვნელობაზე საუბრობს და აცხადებს, რომ წარმატების მიუხედავად, საქართველოსი კვლავ რჩება მნიშვნელოვანი გამოწვევები ამ მიმართულებით.

"თანასწორობა ფუნდამენტური პრინციპია და წარმოადგენს ჩვენი საქმიანობის საფუძველს არა მხოლოდ საქართველოში, არამედ მთელ მსოფლიოში. ეს პრინციპი გულისხმობს ყველა ადამიანის უფლებას, მიიღოს თანასწორი მოპყრობა და ყველას პასუხისმგებლობას, იბრძოლოს ამ უფლებების უზრუნველსაყოფად. თანასწორობა გულისხმობს ეთნიკური, რელიგიური თუ სექსუალური უმცირესობების უფლებას, იყვნენ დაცულნი უმრავლესობის მიერ. ეს ასევე გულისხმობს შეზღუდული შესაძლებლობების მქონე პირთათვის თანასწორი შესაძლებლობების უზრუნველყოფას, ქალებსა და მამაკაცებს შორის თანასწორობას.

საქართველომ ამ მიმართულებით ხელშესახებ წარმატებას მიაღწია, თუმცა კვლავაც რჩება მნიშვნელოვანი გამოწვევები, რომლებიც დაუღალავ შრომას მოითხოვს, ადამიანის უფლებათა მაღალი კულტურის ჩამოსაყალიბებლად და მიღწეული შედეგების შესაძლო უკუსვლის თავიდან ასაცილებლად", — განაცხადა კარლ ჰარცელმა.

ევროკავშირის წარმომადგენლობამ საქართველოში ადამიანის უფლებათა დაცვის კვირეულთან დაკავშირებით პარტნიორ ორგანიზაციებთან ერთად არაერთი ღონისძიება ჩაატარა. ბოლო წლებში

"კვირეულის ფარგლებში აქცენტი გაკეთდა თანასწორობის მნიშვნელობაზე და დისკრიმინაციის დაუშვებლობის საკითხებზე, ამ კუთხით არსებულ მიღწევებსა და გამოწვევებზე. აქტივობები 3 დეკემბერს დაიწყო და 12 დეკემბრამდე გაგრძელდება. ევროკავშირმა წარმოადგინა სხვადასხვა ისტორიები, რომლებიც ევროკავშირის მიერ საქართველოში თანასწორობის, როგორც ადამიანის უფლებათა ძირითადი ქვაკუთხედის მხარდაჭერას ასახავს. კამპანიის ფარგლებში, ასევე, ხაზი გაესვა პარტნიორების მიერ ეროვნული და რეგიონული პროექტების ფარგლებში განხორციელებულ ღონისძიებებს", — აცხადებენ ევროკავშირის წარმომადგენლობაში.

მნიშვნელოვანია, რომ ბოლო წლებში ევროკავშირმა 100 მილიონ ლარზე მეტი დახარჯა საქართველოში საქართველოში ადამიანის უფლებათა დაცვის მხარდასაჭერად. ამჟამად ევროკავშირის მხარდაჭერით ქვეყანაში 40-მდე პროექტი ხორციელდება გენდერული თანასწორობის უზრუნველყოფის, ქალებისა, ბავშვების, უმცირესობების, შშმ პირებისა და სხვა მარგინალიზებული ჯგუფების უფლებების დასაცავად.

10 დეკემბერს, ყოველწლიურად მსოფლიო ადამიანის უფლებათა დაცვის საერთაშორისო დღეს აღნიშნავს. ეს თარიღი 1948 წელს, გაეროს გენერალურ ასამბლეაზე ადამიანის უფლებათა დაცვის საერთაშორისო დეკლარაციის მიღებას ეძღვნება.

ფოტო: ევროკავშირის წარმომადგენლობა