ამერიკის კინოაკადემიამ ოსკარის ჩატარების ოთხ წლიანი გეგმა წარმოადგინა
![](http://chandler.on.ge/2017/04/05/gettyimages-513150642-h_2017.jpg)
ფოტო: Dan MacMedan/WireImage
2018 წელს ოსკარი 90 წლის გახდება, ამერიკის კინოაკადემიამ კი მისი ჩატარების თარიღად 4 მარტი დაასახელა. ამის მიზეზი კი ზამთრის ოლიმპიადაა, რომელიც სამხრეთ კორეაში 25 თებერვალს სრულდება.
რაც შეხება მომდევნო წლებს, 2019 წელს ოსკარი კვლავ თებერვალში გადმოიწევს და ის 24 რიცხვში გაიმართება, 2020 წელს 23 თებერვალს, 2021 წელს კი ოსკარის რიგით 93-ე ცერემონია 28 თებერვალს გაიმართება.
რაც შეეხება ოსკარის საიუბილეო 90-ე ცერემონიას, წლის განმავლობაში დაგეგმილი ღონისძიებები ასე გადანაწილდა:
- 11 ნოემბერი: საპატიო ოსკარის გადაცემის ცერემონია
- 5 იანვარი: სავარაუდო ნომინანტების წარდგენა
- 12 იანვარი: ნომინანტებისთვის ხმის მიცემა
- 23 იანვარი: საბოლოო ნომინანტების გამოცხადება
- 5 თებერვალი: ოსკარის ნომინანტთა ლანჩი
- 10 თებერვალი: სამეცნიერო და ტექნიკური მიღწევებისთვის საპატიო ჯილდოს გადაცემა
- 20 თებერვალი: ნომინანტებისთვის ხმის მიცემის დაწყება
- 27 თებერვალი: ნომინანტებისთვის ხმის მიცემის დასრულება
- 28 თებერვალი: წინასაოსკარე ლანჩი და კონცერტი
- 4 მარტი: ოსკარის რიგით 90-ე ცერემონია
ცოტა ხნის წინ, გავრცელდა ხმები, რომ 2018 წელს ოსკარი შესაძლოა კვლავ ჯიმი კიმელმა წაიყვანოს და პროდიუსერები კი ისევ მაიკლ დე ლუკა და ჯენიფერ ტოდი იქნებიან.
როგორც ამბობენ, ოსკარის რიგით 89-ე დაჯილდოების ცერემონია ბოლო წლების განმავლობაში ყველაზე განხილვადი და დასამახსოვრებელი იქნება, რადგან საუკეთესო ფილმის ნომინაციის გამოცხადების დროს, წარმდგენებს უორენ ბიტისა და ფეი დანაუეის კონვერტი შეეშალათ და წლის ფილმად La La Land დაასახელეს, სინამდვილეში კი ამ ნომინაციაში Moonlight-მა გაიმარჯვა.
აღსანიშნავია ისიც, რომ ცერემონიალის რეიტინგმა ბოლო ათწლეულის განმავლობაში საკმაოდ იკლო. მაგალითისთვის შეგვიძლია ვთქვათ, რომ 2001 წლის შემდეგ ყველაზე მაღალი რეიტინგი ოსკარს 2014 წელს ჰქონდა, როდესაც მას 43 მილიონზე მეტმა ადამიანმა უყურა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები