ბუნდესტაგის საგარეო ურთიერთობათა კომიტეტის თავმჯდომარე, მიხაილ როთი ქართული ოცნების პრემიერის, ირაკლი კობახიძის განცხადებას ეხმაურება:

"უარესდება და უარესდება მდგომარეობა! ქართული რეჟიმი ყველა მზაკვრულ საშუალებას იყენებს ხელისუფლებაში დასარჩენად. ტყუილებს ავრცელებენ და მოსახლეობის მანიპულირებას ცდილობენ. ევროკავშირში უნგრეთისა და სლოვაკეთის მთავრობების გარდა მოკავშირეები აღარ ჰყავთ! სირცხვილი ირაკლი კობახიძეს!," — წერს მიხაილ როთი.

შეგახსენებთ, რომ გუშინ, 17 დეკემბერს, ოცნების პრემიერმა, ირაკლი კობახიძემ 5 ქვეყანას — უნგრეთს, სლოვაკეთს, იტალიას, ესპანეთს და რუმინეთს მადლობა გადაუხადა ევროკავშირის საბჭოზე საქართველოს პოზიციის დაცვისთვის. რუმინეთის, ესპანეთისა და იტალიის საგარეო უწყებებმა მოგვიანებით გააკეთეს განცხადებები, სადაც კობახიძეს ფაქტების არასწორ ინტერპრეტაციაში დასდეს ბრალი.

დღეს ბრიფინგზე კობახიძემ განაცხადა, რომ რუმინეთზე, ესპანეთსა და იტალიაზე "წნეხი განხორციელდა, იმ პოზიციის უკან წაღება მოუწიათ, რაც საბჭოზე დააფიქსირეს".

ამავე თემაზე:

მათზე წნეხი განხორციელდა — კობახიძე რუმინეთის, ესპანეთის და იტალიის საგარეო უწყების განცხადებებზე