იტალიელი ევროპარლამენტარი საქართველოს პრეზიდენტს და ქართველ ხალხს მხარდაჭერას უცხადებს. ამის შესახებ სოციალ-დემოკრატების წევრი პინა პიჩერნო X-ზე წერს.

"ძალიან ბედნიერი ვარ, რომ შევხვდი საქართველოს პრეზიდენტს ევროპარლამენტში. ქართველი ხალხის ბრძოლა დემოკრატიისთვის ჩვენი ბრძოლაა. მოხერხებულობისა და ცინიკური პოზიციების გათვლებში არ უნდა დაიკარგოს ხალხის ძახილი, რომელიც ევროპული ოჯახის წევრობას ითხოვს. ამიტომ გვჭირდება ახალი არჩევნები, სანქციები და სიახლოვე მათთან, ვინც თავისუფალი და დემოკრატიული მომავლისთვის იღვწის", — წერს პინა პიჩერნო.