საქართველომ დაადასტურა მზადყოფნა რუსეთში ელექტროენერგიის ექსპორტისთვის. ამის შესახებ სააგენტო TASS-ის ინფორმაციით, ენერგეტიკული კომპანია Интер РАО-ს მმართველი საბჭოს წევრმა, ალექსანდრა პანინამ კონფერენციის ფარგლებში ისაუბრა.

"პასუხი მივიღეთ. აზერბაიჯანმა უპასუხა, რომ მას შეეძლო სასწრაფო დახმარების გაწევა 250-300 მეგავატის ოდენობით. საქართველომ უპასუხა, რომ ეს სიტუაციაზეა დამოკიდებული. წინასწარ ვერ დაგვპირდებიან, მაგრამ სიტუაციიდან გამომდინარე, მიიღებენ გადაწყვეტილებას", — თქვა პანინამ.

კითხვაზე, მიიღო თუ არა უკვე ამ ქვეყნებიდან რუსეთმა ელექტროენერგია, პანინამ განაცხადა რომ აზერბაიჯანიდან მიწოდება უკვე შედგა.

რუსეთმა საქართველოს და აზერბაიჯანს საგანგებო სიტუაციებში 600 მგვტ ელექტროენერგიის მიწოდების შესახებ სექტემბერში მიმართა.