კავკასიის უნივერსიტეტის სტუდენტები პარლამენტთან მიმდინარე აქციას შეუერთდნენ. მარშის მონაწილეები სააკაძის მოედანზე შეიკრიბნენ და მსვლელობით პარლამენტის მიმართულებით გაემართნენ. სტუდენტებს უსაფრთხოების მიზნით რამდენიმე საპატრულო ეკიპაჟის მანქანა მიყვებოდა.

სტუდენტები სკანდირებენ: “საქართველო, საქართველო!”. მათ მოტანილი აქვთ საქართველოსა და ევროკავშირის დროშები.

მარში მიმდინარეობდა სხვა ლოკაციებზეც, კერძოდ, განათლების სამინისტროდან პარლამენტამდე.

მსვლელობა გამართეს ევროპული ფონდების ყოფილმა სტიპენდიატებმაც. პირველი რესპუბლიკის მოედნიდან პარლამენტამდე მრავალფეროვნების მსვლელობაც ჩატარდა, ასევე მარშში მონაწილეობა მიიღეს მასწავლებლებმა ევროპული მომავლისთვის. ისინი განათლების სამინისტროდან პარლამენტისკენ გაემართნენ.