პროკურორ ჯარჯი წიკლაურის შეფასებით, მიხეილ სააკაშვილმა საკუთარი სასამართლო პროცესი პოლიტიკურ ტრიბუნად გამოიყენა. მისი თქმით, დაცვის მხარე სხდომაზე არა მტკიცებულებებზე საუბრის ნაცვლად პოლიტიკურ ლოზუნგებუთ გამოდიოდა.

"სასამართლო გამოიყენეს როგორც პოლიტიკური ტრიბუნა და მხოლოდ პოლიტიკური ლოზუნგებისთვის, ფაქტობრივად, აქციეს დღევანდელი სხდომა სასამართლოსი. ჩვენ მზად ვიყავით წარმოდგვედგინა მტკიცებულებები, უტყუარი ფატქები 7 ნოემბრის დარბევაზე, პატარკაციშვილების ოჯახისათვის დანაშაულებრივად ქონების წართმევაზე", — განაცხადა პროკურორმა.

დღეს, 29 ნოემბერს მიხეილ სააკაშვილის სასამართლო პროცესი გაიმართა. მოსამართლეთა კოლეგიამ 7 ნოემბრის საქმე განიხილა. ექსპრეზიდენტი საკუთარ სასამართლო სხდომას პირველად დაესწრო და მას სიტყვით გამოსვლის უფლებაც მისცეს. სააკაშვილმა სხვადასხვა პოლიტიკურ თემაზე, მათ შორის, საქართველოში ჩამოსვლასა და შიმშილობაზე, გლდანის ციხეში იძულებით გადაყვანასა და მკურნალობაზე ისაუბრა. ასევე, მიმოიხილა მის მიმართ წაყენებული ბრალდებები. სასამართლო პროცესზე სიტყვით გამოსვლის შემდეგ, სააკაშვილმა დარბაზი დატოვა და სხდომა მის გარეშე გაგრძელდა.

პროცესის მეორე ნაწილში მხარეებმა უკვე კონკრეტულ მტკიცებულებებზე იმსჯელეს. დაცვის მხარემ დააყენა შუამდგომლობა ექსპრეზიდენტისთვის სატელეფონო საუბრების უფლების აღდგენის შესახებ, თუმცა სასამართომ შუამდგომლობა საერთოდ არ განიხილა. მიხეილ სააკაშვილის ადვოკატების შეფასებით, ეს გადაწყვეტილება სასამართლოს მხრიდან მართლმსაჯულების განხორციელებაზე უარის თქმაა.

შემდეგი სხდომა 23 დეკემბერს, 11:00 საათზე ჩაინიშნა.

გაიგე მეტი: